1 SAMUEL 25:6 - Sura' Madatu

⁶ Sia la mipokada susite: Salama’! Denno upa’ ammi malaga’-laga’ sia malaga’-laga’ tu sangdadiammi sia iatu mintu’ dio kalemi.

1 SAMUEL 25:6 ပူးပေါင်းရင်းမြစ်များ

KADADIAN 43:23

Nakuami tu tau iato: Pakari’pii tu penaammi, da mimataku’! Nakamaseimokomi Kapenombammi sia Kapenombanna ambe’mi, Napatamangkomi ianan tama karungmi; iatu doi’mi mangkamo kutarima. Nasolammi sun lako tu Simeon.

2 SAMUEL 18:28

Metambami tu Ahimaas lako datu nakua: Makarimman tu puangku! Saemi menomba lako datu tukku rokko padang, nakua: Mintu’ kadipudian lu lako PUANG, Kapenombammi, belanna nasorongmo tu mintu’ to pabali-bali lako puangku datu.

1 OSSORANNA DATU 12:18

Attu iato Narampoimi Penaa tu Amasai, pangulunna tu tau tallungpulo nakua: Taummikan, e Daud; la sisolaki’, o anakna Isai! Lamaupa’komi, la maupa’komi! La maupa’ tu to untunduikomi! Belanna Kapenombammi untunduikomi. Natarimami Daud tu tau iato mai anna angka’i pangulu surodadu.

PA’PUDIAN 122:7

Sangapaoi anna marampa’ mintu’ to naluang bentengmu, sia rapa’ tu to lan tambakukummu.

PA’PUDIAN 122:8

Bannang dio le’to barra’ku sia polo kaindi’ku, angku la ma’kada kumua: Sangapaoi anna torroiko kamarampasan!

LUKAS 10:5

Iake la tamakomi misa’ banua, pokadai dolo: Siria kamarampasan te banua.

YOHANES 14:27

Kamarampasan Kutampeangkomi, ontongpi kamarampasangKu kalena Kusorong lako kalemi, tangia susinna tu nasorong te lino, tu Kusorong lako kalemi. Da narosso penaammi sia da miselang.

1 TESALONIKA 3:8

Belanna totemo tuomokan, ke bantangkomi lan Puang.

2 TESALONIKA 3:16

Anna Iamora tu Puang, oto’na mintu’ kamarampasan, tontong ungkamaseangkomi kamarampasan lan mintu’-mintu’na. Anna rondongmorokomi Puang sola nasang.

1 TIMOTIUS 5:6

Apa iatu unturu’na bang kamoraian penaanna, tonganna tuo apa samanna mate.

1 SAMUEL 25:5

Nasuami Daud tu solana sangpulo sia napasan nakua: Malekomi lako Karmel; iammi rampo lako Nabal, pekutanampa’ tu kamalaga’-lagaranna.