1 SAMUEL 25:3 - Sura' Madatu

³ Iatu tau iato disanga Nabal, na iatu bainena disanga Abigail. Iatu baine iato ma’tangnga’ kinaa sia melo pantarisanna, apa iatu muanena makarra’ penaanna sia kadake kedona; sia ia misa’ to Kaleb.

1 SAMUEL 25:3 ပူးပေါင်းရင်းမြစ်များ

KADADIAN 12:11

Denmi pissan tonna la rampomo lako tana Mesir, nama’kada lako Sarai bainena, nakua: Kuissan tongan kumua iatu iko te to melo pantarisammu:

PA’PUDIAN 10:3

Belanna iatu to tang mekaaluk ussattuan kalena unturu’ lalan penaanna, sia iatu to mesaro bu’tu kadake untendeng kalena sia umpa’kada solangi PUANG.

SARAMBU PEADA’ 14:1

Iatu mai kakinaanna baine umbangun banuanna, apa tete dio kabaganna, nalimanna kalena urrondonni.

SARAMBU PEADA’ 19:14

Iatu banua sia ianan iamo mana’ta dio mai to matua, apa iatu misa’ baine unnampui tangnga’ kinaa, iamo misa’ pa’kamasean dio mai PUANG.

SARAMBU PEADA’ 30:22

Iamotu tete dio misa’ kaunan, ke dadimi datu, na tete dio misa’ to tang kebattuan, ke dipedia’i kande.

SARAMBU PEADA’ 31:10

Mindara la unnappa’ misa’ baine birisan sia kinaa? iatu angga’na mandu losong na merdan.

SARAMBU PEADA’ 31:26

Situang kakinaan, ke tiku’bi’i tu pudukna, masokan tu pa’pangada’ dara’ lengko lilana.

YOSUA 15:13

Na iatu Kaleb, anakna Yefune, napaketaa Yosua misa’ mana’ dio lu to Yehuda, iamo tu Kiryat-Arba, susitu kadanNa PUANG lako Yosua; iatu Arba iamo ambe’na Enak. Iamote tu Hebron.

1 SAMUEL 25:17

Totemo la miissan sia la mitimbang melo tu apa sipatu la mipogau’, belanna dipamanassamo tu kasanggangan lako puangki sia lako mintu’ to lan banuanna. Tonganna iamo misa’ to kadake, tu tang diissan disipa’kadan.

1 SAMUEL 25:25

Da nadampangi puang tu Nabal, to kadake, belanna susi sanganna susi dukato tu kedona. Nabal tu sanganna sia ia duka tu kabagan dio kalena. Iatu aku tae’ kutiroi tu taummi tu misua.

1 SAMUEL 25:4

Denmi kareba narangi Daud lan padang pangallaran, kumua: Marassan tu Nabal unggontingi bulu dombana.

1 SAMUEL 30:14

Mangkamokan ullaoi Padang to Kereti rampe lo’na lu, na padang lili’na Yehuda sia padang to Kaleb rampe lo’na lu, sia tondok Ziklag pura kiballa.