1 SAMUEL 25:26 - Sura' Madatu

²⁶ Totemo, o puang, la tilelukraka tuoNa PUANG sia tuona puangku, manassa PUANG undampakomi tobang rokko kasalan umpatibollo rara sia untuntun kalena bang katonganammi. Nasusimora Nabal tu mintu’ ualimmi sia iatu mintu’ to undakarangkomi kadake.

1 SAMUEL 25:26 ပူးပေါင်းရင်းမြစ်များ

KADADIAN 20:6

Ma’kadami tu Puang Matua lako kalena lan tindo: Kuissan sia kumua bannang pute tu penaammu mangka umpogau’i to, sia mangkamoko Kugagai umpogau’ kasalan lako kaleKu, iamoto angKu tang untangga’ko urrumbui tu baine iato.

2 SAMUEL 18:32

Nakuami datu lako tu to Etiopia: tae’ siaraka namatumba-tumba tu Absalom, to mangura iato? Mebalimi tu to Etiopia nakua: Sipatu tu mintu’ ualinna puangku sia mintu’ to umpogau’ kakadakean unnea puangku, la susitu to mangura iato.

2 DATU 2:2

Ma’kadami tu Elia lako Elisa nakua: Torromoko inde te, belanna Nasuana’ PUANG male lako Betel. Apa mebali tu Elisa nakua: La lelukraka tuoNa PUANG sia tonganna susi tuomi, inang tae’ kula untampekomi. Malemi tu tau iato mai rokko Betel.

2 DATU 4:6

Iatonna ponnomo tu mintu’ busso, ma’kadami lako anakna nakua: Bampa’ mai misa’ tu busso. Apa mebali tu anakna nakua: Tae’mo busso. Tadangmi tu minna’.

PA’PUDIAN 44:3

Mangkamo Mirambai tu mintu’ bangsa tete dio kamatotoramMi, amMi panno’ko’i tu nene’ to doloki sondana tau iato mai, mangkamo Mipa’dikki tu mintu’ to sangpetayanan amMi pamakambanni tu nene’ to doloki.

SARAMBU PEADA’ 31:12

Kameloan bang tu napogau’ lako kalena, tangia kakadakean lan mintu’ katuoanna.

YEREMIA 29:22

naurunganni la bu’tu dio mai tau iato mai tu kada tampak ropu dipoparumbasan dio lu mintu’ to Yehuda tu dipali’ dio Babel, nakua: Kenna sabu’ioroko PUANG, susi Zedekia sia Ahab, tu natunu datu Babel!

DANIEL 4:19

Sangattu’ to naalami sumangnga tu Daniel, tu diganti Beltsazar, iatu tangnga’na umpamagiang penaanna. Ma’kadami tu datu lako nakua, E Beltsazar, da napamagiangko tu tindo iato sola sembangna. Mebalimi tu Beltsazar nakua: O puangku, kenna iaora tu to ungkabiri’komi napatu tu tindo iato sia kenna ualimmiora narampoi tu sembangna.

IBRANI 10:30

Belanna tatandai tu To mangkamo ma’kada kumua: Akumo untoe pepakkan; Aku duka tu ma’papakkanni, sia Nakua siapa: Puang tu la umpaolai salu tu taunNa.

1 SAMUEL 1:26

Ma’kadami Hana nakua: La messimanna’, tuang, kukua: la lelukraka tuomi, nala lelukra kadangku tuang, kumua aku bangsiamote tu to bendan dolona sikandappi’ tuang, massambayang lako PUANG.

1 SAMUEL 2:9

Ia ungkaritutui tu lentekna mintu’ pa’kaboro’Na, apa mintu’ to tang mekaaluk la sabu’ lan kamalillinan, belanna tae’ natete dio kamatotoranna tu misa’ muane pasau’.

1 SAMUEL 20:16

Susimoto tu kasibasseanna Yonatan na bati’na Daud, kumua: PUANG la umpapakkanni tu mintu’ penggauranna to unnuali Daud.

1 SAMUEL 20:3

Umpalaomi sumpa tu Daud nakua: Naissan tongan ambe’mu kumua muporai tonganna’. Iamoto nama’tangnga’ nakua: Tae’ nala dipaissanni Yonatan te iannate, da napomasussai. Apa la tilelukraka tuoNa PUANG sia tuomu, manassa sangpentengkanri alla’ku na kamatean.

1 SAMUEL 22:3

Tilelemi tu Daud inde to dio mai lako Mizpa lan lili’na Moab; anna ma’kada lako datu Moab, nakua: Elorampi tu indo’ ambe’ku torro sola mintu’ taummi sae lako kuissanna umba Napakuanna’ Puang Matua undinna.

1 SAMUEL 25:25

Da nadampangi puang tu Nabal, to kadake, belanna susi sanganna susi dukato tu kedona. Nabal tu sanganna sia ia duka tu kabagan dio kalena. Iatu aku tae’ kutiroi tu taummi tu misua.

1 SAMUEL 25:39

Iatonna rangimi Daud, kumua matemo tu Nabal, ma’kadami nakua: Mintu’na kapudian lu langngan PUANG tu untuntunanna’ kara-karaku sia umpakkanni lako Nabal tu kanalo’boangku sia Nadampamo tu taunNa la umpogau’ kadake sia iatu kakadakean Napasule PUANG langngan ulunna Nabal. Mangkato nasuami Daud tu tau male sipa’kada Abigail umpokadanni, kumua la napobaine.

1 SAMUEL 26:10

Sia nakuapa Daud: La lelukraka tuoNa PUANG, manassa la nasanggangi PUANG; ba’tu la nalambi’mi lampakna, naurungan mate, ba’tu malei parari anna dipatei.