1 SAMUEL 25:21 - Sura' Madatu

²¹ Iatu Daud ma’kada susite: Tonganna tae’ bang gai’ku ungkaritutui tu mintu’ apanna tau iato dio lu padang, naurunganni moi misa’ tae’ pa’de tu mintu’ apanna; totemo napakkan kadake tu kameloangku.

1 SAMUEL 25:21 ပူးပေါင်းရင်းမြစ်များ

KADADIAN 44:4

Iatonna tassu’mo tu tau iato mai lan mai tondok, tae’pa nasangapa mambelanna, ma’kadami tu Yusuf lako to matappa’ lan banuanna: Ke’de’ko ammu undi urrundu’i tu tau iato mai, iake mulambi’i kuako susite: Ma’apai ammi papakkanni kadake tu kameloan?

AYUB 30:8

baga, ondongpi to tang dibilang, tu dilolai lan mai tondok.

PA’PUDIAN 35:12

Napapakkanni kakadakean tu gau’ meloku; sia sisayuranna’ anak, kuurunganni makarorrong.

PA’PUDIAN 37:8

Torei tu kasengkean sia tampei tu kakearasan, da namarede tu penaammu, belanna kakadakean manna napabu’tu,

PA’PUDIAN 38:20

Apa mintu’ ualingku malaga’ sia matoto’, sia budamo tu to ungkabiri’ punala bangna’,

SARAMBU PEADA’ 17:13

Minda-minda umpakkanni kakadakean tu kameloan, manassa iatu kakadakean tae’ nala toyang dio mai banuanna.

YEREMIA 18:20

Sipaturaka tu kameloan dipabala’i kakadakean? Belanna nabo’bokanna’ patuang tu tau iato mai. Kilalai dikka’ umba kukua bendan dio oloMi umpengkamoyanni sia undampai tu kare’dekamMi lako tau iato mai.

ROMA 12:21

Da anna taloiko kakadakean, sangadinna taloi tu kakadakean diona kameloan.

EFESUS 4:26

Iake sengkekomi, da anna pabu’tu kasalan; da ammi nanna kasengkeammi sae lako lambunna allo.

EFESUS 4:31

Toyanganni dio mai kalemi tu mintu’ kamapallan, sia kamasakiarasan sia kasengkean sia salle kada sia kapa’palelebekoan sisola mintu’ kakadakean.

1 TESALONIKA 5:15

Pengkilalai tonganni, da naden misa’ duka tau umpasipakkanan kakadakean, sangadinna tontongkomi sipaularan kameloan sia unnula’ melo, lako mintu’ tau.

1 PETRUS 3:17

Apa mandu melo ke miperasai tu kamaparrisan, – ke Napoelo’i Puang Matua –, belanna umpogau’ melo na iatu umperasai parri’ belanna umpogau’ kadake.

1 PETRUS 3:9

da ammi papakkanni kakadakean tu kakadakean, ba’tu sere kada dipakkanni sere kada, sangadinna palakuanni karongkosan, belanna iannamorato tu ditambangkomi, kumua ammi pomana’ karongkosan.

1 SAMUEL 25:13

Ma’kadami tu Daud lako mintu’ taunna, nakua: La pada untakin nasangkomi pa’dangmi. Pantan untakin nasangmi pa’dangna sia Daud kalena untakin duka pa’dangna, anna male nasang tu tau iato mai unturu’ Daud, agi-agi a’pa’ratu’ tau na duaratu’ tu tau torro dio ungkampai mintu’ parea.

1 SAMUEL 25:15

Iatu tau iato mai buda tongan gai’na lako kaleki sia tae’ narosokan sia moi misa’ tae’ kikapa’dean temponki ma’lele-lele sikandappi’ tau iato mai tongki dio lu padang.

1 SAMUEL 25:20

Iatonna solo’mo rokko ma’keledai narerung buntu, anna solo’ dukamo tu Daud sola taunna umpempatui, ta’kala bendanmi tu baine iato dio tingayona.

1 SAMUEL 25:7

Denmo kareba kurangi kumua den tau unggontingi bulu dombami; ba’tu sangapakan sola tu mintu’na to mangkambi’mi, tae’ kirosoi sia moi misa’ tae’ nakapa’dean tu tau iato mai tonna diopa Karmel.