1 SAMUEL 25:18 - Sura' Madatu

¹⁸ Madomi’mi naala Abigail tu roti duaratu’ batunna sia da’dua kiriba’ anggoro’ sia lima domba mangka ditunu sia passara’buk limang se’a sia deppa bua anggoro’ dirangkei saratu’ sia bua ara duaratu’ lemunna, mintu’nato dipalangngan keledai,

1 SAMUEL 25:18 ပူးပေါင်းရင်းမြစ်များ

2 SAMUEL 16:1

Iatonna solo’mo sidi’ tu Daud dao mai botto tanete, sitammumi Ziba, taunna Mefiboset, sibaa da’dua keledai dilapikki sia unteke’ roti duaratu’ sia deppa bua anggoro’ dirangkei saratu’ sia bua ara saratu’ sia anggoro’ sangkiriba’.

1 OSSORANNA DATU 12:40

Sia mintu’ tu to nasikandappiran tiku lao sae lako Isakhar, Zebulon na Naftali umbaa kande nateke’ dao keledai, unta, bagala’ na sapi, iamotu kande ta’pung digaragai, deppa bua ara dirangkei na deppa bua anggoro’ dirangkei, uai anggoro’ na minna’ sapi na domba sola bembe’ lendu’ budanna, belanna kaparannuanna mintu’ to Israel.

SARAMBU PEADA’ 18:16

Iatu pamengan napa’bengan tau umpakalua’ lalanna sia umpopennoloi dio olona to kapua.

SARAMBU PEADA’ 21:14

Iatu pamengan dibuni umparapa’ kasengkean, sia iatu pa’kamase natambuk umpa’dei kare’dekan ara’.

SARAMBU PEADA’ 31:12

Kameloan bang tu napogau’ lako kalena, tangia kakadakean lan mintu’ katuoanna.

MATIUS 5:25

Madomi’ko umpemeloanni penaa tu balimmu, ke diopoko lu lalan sola; da’ anna baako balimmu lako to mangra’ta’ kara-kara, nasorong pole’oko to mangra’ta’ kara-kara lako sapiri, ammu dipatama pa’tarungkuan.

1 SAMUEL 17:17

Ma’kadami tu Isai lako Daud, anakna, nakua: Alanni kakammu sangepa tu passara’buk sia roti sangpulo batunna, mumadomi’ umbaai lako kakammu lan to’ tenda surodadu.

1 SAMUEL 25:17

Totemo la miissan sia la mitimbang melo tu apa sipatu la mipogau’, belanna dipamanassamo tu kasanggangan lako puangki sia lako mintu’ to lan banuanna. Tonganna iamo misa’ to kadake, tu tang diissan disipa’kadan.

1 SAMUEL 25:34

Belanna la lelukraka tuoNa PUANG, Kapenombanna to Israel, tu undampana’ umpogau’ kadake lako kalemu, kenna tae’ musae madomi’ umpessitammuina’, manassa masiang tae’pa naberre’ allo moi misa’ duka muane tae’mo torro sola Nabal!