1 SAMUEL 25:17 - Sura' Madatu

¹⁷ Totemo la miissan sia la mitimbang melo tu apa sipatu la mipogau’, belanna dipamanassamo tu kasanggangan lako puangki sia lako mintu’ to lan banuanna. Tonganna iamo misa’ to kadake, tu tang diissan disipa’kadan.

1 SAMUEL 25:17 ပူးပေါင်းရင်းမြစ်များ

2 SAMUEL 24:13

Saemi Gad lako Daud umpokadanni tu kada iato, nakua: Umbannara miporai: ra’pak padangraka pitungtaun lan tondokmi, iaraka tu la mallaikomi naula’ ualimmi lan tallungbulan, ba’tu iaraka tu ropu tallungallo lan tondokmi? Totemo la mitangnga’ sia mitimbang melo, umbara tu pebali la kuparampoanni sule tu To ussuana’.

1 DATU 21:10

Ammi paunno’ko’ da’dua to bulituk untingoi, la ussa’bii kumua: Umpa’kada solangi Puang Matua sia datu. Solanni lako salian kota, ammi tumbui batu samatena.

1 DATU 21:13

Attu iato saemi tu tau da’dua, iamotu to bulituk, unno’ko’ untingoi, anna sa’bii te to bulituk sola duai tu Nabot dio olona to buda, nakua: Ia tinde Nabot umpa’kada solangi Puang Matua sia datu. Nasolammi tau iato mai lako salian kota, anna tumbui batu samatena.

2 OSSORANNA DATU 13:7

Sirampunmi dio tu ba’tu pira-pira to tae’ gai’na sia to bulituk, tu ussau’ Rehabeam, anakna Salomo, tonna mangurapa tu Rehabeam sia malamma’pa penaanna, naurungan tang nakullepa unneai tu tau iato mai.

2 OSSORANNA DATU 25:16

Apa marassan bangsia sipa’kada, nakuami datu lako: Naangka’rokomika tau pa’bisaranna datu? Kappakomi, apa gai’mi la napatei tau? Kappami tu nabi sia ma’kada nakua: Kuissanmo, kumua Nalampak dukamo Puang Matua la ussanggangikomi, belanna penggauran susimmi te sia tae’ miperangii tu pa’pakilalangku.

ESTER 7:7

Ke’de’mi tu datu re’dek ara’na, nasoro’i mangiru’ anggoro’, namale tama pa’lak tongkonan layuk; apa iatu Haman torro bendan la umpengkamoyan sunga’na lako datu baine Ester, belanna natandaimo, kumua manassamo tu kasanggangan lako kalena dio mai datu.

SARAMBU PEADA’ 12:8

Iatu tau dipangke’ sitinaya tangnga’ kinaanna, apa iatu to leko’ penaanna la dipamatuna.

PA’TOLE 13:13

Den tu to kadake bu’tu dio lu kamu, tu umpopemboko’i tu to umpa’tondokki kotana, ma’kada nakua: Tamalemo umpenombai kapenomban senga’, tu tae’pa mitandai –

TO PARENGNGE’ 19:22

Iatonna marassan parannu-rannu kumande, saemi tu pa’tondokan, to bulituk, untalimbung tamai tu banua iato, anna undedek ba’ba sia ma’kada lako to matua, puangna banua, nakua: Patassu’i mai salian tu muane, sae ma’bongi lan banuammi angki sangampa’.

1 SAMUEL 10:27

Apa den tu ba’tu pira to bulituk ma’kada, nakua: Umba nakua la urrampanangki’ te? Sia napamatuna tau iato mai sia tae’ nama’kasian lako kalena, apa nakappai bang Saul tu iannato.

1 SAMUEL 2:12

Iatu mai anakna muane Eli sala’ kedo, tae’ nadampangi tu PUANG sia iatu katongananna sia taana to minaa, ke to buda sae memala’.

1 SAMUEL 20:7

Ianna kua siai datu melo, la marampa’ sia tu taummu, apa ianna mandu liu re’dek ara’na, tandaimi to kumua manassa la umpogau’mo kakadakean.

1 SAMUEL 20:9

Nakuami Yonatan: Tae’ nala urrampoiko tu iannato! Apa iangku issan tonganni, kumua iatu ambe’ku manassa la umpogau’ kadake lako kalemu, ma’apai angku tang la umparampoangko?

1 SAMUEL 25:16

Iatu tau iato mai butung to tembo’ ullilingikan la bonginna la masiangna, lan mintu’ allo kinii sikandappi’ ungkambi’ domba.

1 SAMUEL 25:18

Madomi’mi naala Abigail tu roti duaratu’ batunna sia da’dua kiriba’ anggoro’ sia lima domba mangka ditunu sia passara’buk limang se’a sia deppa bua anggoro’ dirangkei saratu’ sia bua ara duaratu’ lemunna, mintu’nato dipalangngan keledai,

1 SAMUEL 25:25

Da nadampangi puang tu Nabal, to kadake, belanna susi sanganna susi dukato tu kedona. Nabal tu sanganna sia ia duka tu kabagan dio kalena. Iatu aku tae’ kutiroi tu taummi tu misua.