1 SAMUEL 25:12 - Sura' Madatu

¹² Ta’pa tibalikmi tu taunna Daud anna sule umpokadanni Daud tu mintu’ apa dadi.

1 SAMUEL 25:12 ပူးပေါင်းရင်းမြစ်များ

2 SAMUEL 24:13

Saemi Gad lako Daud umpokadanni tu kada iato, nakua: Umbannara miporai: ra’pak padangraka pitungtaun lan tondokmi, iaraka tu la mallaikomi naula’ ualimmi lan tallungbulan, ba’tu iaraka tu ropu tallungallo lan tondokmi? Totemo la mitangnga’ sia mitimbang melo, umbara tu pebali la kuparampoanni sule tu To ussuana’.

IBRANI 13:17

Mengkaolakomi lako panglalanmi sia turu’i; belanna tau iato mai ungkaritutui deatammi, apa iamo la umpebalii, kumua anna parannu ungkarangi tu pentoean, tangia la sumarroi; belanna iatu susinnato tae’ bua’na lako kalemi.

1 SAMUEL 25:11

Ma’apai angku la morai unnala rotingku sia uaingku sia pantunungku tu kutunuan mintu’ to ma’gontingku, angku la umbenni to tae’ kutandai umba nanii sae?

1 SAMUEL 25:13

Ma’kadami tu Daud lako mintu’ taunna, nakua: La pada untakin nasangkomi pa’dangmi. Pantan untakin nasangmi pa’dangna sia Daud kalena untakin duka pa’dangna, anna male nasang tu tau iato mai unturu’ Daud, agi-agi a’pa’ratu’ tau na duaratu’ tu tau torro dio ungkampai mintu’ parea.