1 SAMUEL 25:10 - Sura' Madatu

¹⁰ Nabalimi Nabal tu mintu’ taunna Daud, nakua: Minda toda ia tu Daud sia minda toda tu anakna Isai? Totemo budamo tau, pada male umboko’i puangna.

1 SAMUEL 25:10 ပူးပေါင်းရင်းမြစ်များ

2 SAMUEL 20:1

Sirupangmi den dio tu misa’ to bulituk, disanga Seba, anakna Bikri, to Benyamin, umpannonimi napiri tanduk anna ma’kada nakua: Iatu kita tae’ tasangbilangan tu Daud, sia tae’ tasangmana’ tu anakna Isai; e to Israel pada sulemokomi lako tendami.

1 DATU 12:16

Iatonna tiromi mintu’ to Israel tu diona datu tang napasiolamo tu palakunna, mebalimi lako datu nakua: Tae’mo tasangbilangan tu Daud, sia tae’mo tasangmana’ tu anakna Isai! E, to Israel, sulemokomi lako tendami! Karitutui kalenami tu tongkonammi, e Daud! Sulemi tu mintu’ to Israel lako to’ tendana.

KATASSURAN 5:2

Apa mebali tu Firaun nakua: Mindara tu PUANG, tu sipatu la kuturu’ kadanNa sia unneloranni tu to Israel male? Tae’ kutandai tu PUANG iato sia tang kueloran tu to Israel male.

SARAMBU PEADA’ 15:1

Iatu pebali malamma’ ussa’po kasengkean ma’lana-lana, apa iatu kada mapalla umpatiludak ara’na tau.

TOMANGADA’ 7:10

Da muma’kada kumua: Matumbari anna melo ia tu mintu’ attu dolo na iatu attu totemo? Belanna tae’ nabannang dio kakinaan munii umpekutananni tu iannato.

YESAYA 32:5

Iatu to baga tae’mo nala disanga to la’bi’ sia to lando pa’du tae’mo nala disanga to kapua.

YESAYA 32:7

Iatu to pa’pakenan, kadake tu mintu’ tangnga’na: kabulitukan manna natangnga’, ma’kada tang tongan la ussanggangi to bongko, moi anna tuntun salunna tu to bongko.

TO PARENGNGE’ 9:28

Ma’kadami tu Gaal, anakna Ebed, nakua: Mindara tu Abimelekh, na apara tu Sikhem, angki la umpengkaolairi? Tangiaraka anakna muane Yerubaal, tangiaraka Zebul to marayanna? La’biran ke iatu taunna Hemor, ambe’na Sikhem, mipengkaolai, ma’apai anta pengkaolai Abimelekh?

1 SAMUEL 20:30

Attu iato re’dekmi ara’na Saul lako Yonatan, anna ma’kada lako, nakua: E anak to tang massipa’ sia pabali-bali! Musangaraka tang kuissan kumua mupileimo tu anakna Isai, la umpakasiri’ko sia mupakasiri’ tu muninna sun dio indo’mu.

1 SAMUEL 22:2

Sirampun nasangmi lako kalena tu mintu’ to lan kamakario-rioan sia mintu’ to kaindanan sia mintu’ to mapalla penaanna; iami umpangului tu tau iato mai, anna torro sola, tu agi-agi a’pa’ratu’ muane.

1 SAMUEL 25:9

Ta’kala rampomi tu taunna Daud, anna pokadai lako Nabal mintu’ kada iate tete dio sanganna Daud; mangkato kappami tu tau iato mai.