1 SAMUEL 24:9 - Sura' Madatu

⁹ Mangkato ke’de’omi tu Daud nasun lan mai lo’ko’; metambami dio mai boko’na Saul, nakua: O puangku, o datungku! Messailemi tu Saul; menombami tu Daud anna tukku sae rokko padang.

1 SAMUEL 24:9 ပူးပေါင်းရင်းမြစ်များ

PA’PUDIAN 101:5

Minda-minda umpalele beko buni padanna ma’rupa tau. La kusabu’i; sia tae’ angku la umpama’tananni penaa tu to patiro solo’ sia to matampo penaanna.

PA’PUDIAN 141:6

Iake dipella’pakan nasangmi rokko sapak batu tu to ma’paolainna salu tau iato mai, maneri natimang tau iato mai tu kadangku, belanna marasa.

SARAMBU PEADA’ 16:28

Iatu to kelok penaanna umpabu’tu bang kasipakkan, sia iatu to ma’kada boko’ umpasisarak to massangmane.

SARAMBU PEADA’ 17:4

Iatu to umpogau’ kadake umpalan penaa puduk ma’pakena, sia iatu kakelokan untananni talinga lila ma’kasanggang.

SARAMBU PEADA’ 18:8

Iatu kadanna to ma’kada boko’ susito kande marasa, tang tigaruntu lendu’ tama inan penaa.

SARAMBU PEADA’ 25:23

Iatu angin ma’paludaa mai umbaa uran kamban, susi dukato tu kada boko’ umpapayan kasengkean dio lindona tau.

SARAMBU PEADA’ 26:28

Iatu lila kamorang-morang ungkabiri’ to naroso, sia iatu puduk mammi’ umpasakka’ kasanggangan.

SARAMBU PEADA’ 29:12

Misa’ to ma’parenta umperangii bang kada tang tongan – iatu mintu’ to naala parea tang mekaaluk nasang.

YEREMIA 37:18

Sia nakuapa Yeremia lako datu Zedekia: Apara kasalangku lako kalemi, ba’tu lako tu mai to mase’ponmi, ba’tu lako bangsa iate, ammi tarungkura’?

SURA’ KATOMINAAN 19:16

Da mumale ma’pakadake lele dio lu bangsamu; sia da mudaka’ lalan la umpatibollo rarana padammu ma’rupa tau. Akumo tu PUANG.

YAKOBUS 3:6

Iatu lila susi misa’ api; anna mintu’na lesoan kaleta lilamo tu misa’ lino pa’rampunanna mintu’ kakadakean, urruttakki mintu’ batang kale sia umballa mintu’ lalan katuoanta, anna ia kalena naballa api naraka.

1 SAMUEL 20:1

Ta’kala mallaimi tu Daud dio mai Nayot sikandappi’ Rama, sae umpellambi’i Yonatan, nakua: Apara tu kupogau’ sia apara tu kakelokangku sia apara tu kasalangku dio olona ambe’mu, anna la ungka’turi tu sunga’ku?

1 SAMUEL 20:41

Iatonna malemo tu pia iato, to’long lu lo’mi mai tu Daud, anna tukku rokko padang menomba pentallun; siudungmi sia sitangiran sola duai, naurunganni unni’duk-i’duk tumangi’ tu Daud.

1 SAMUEL 24:10

Ma’kadami Daud lako Saul, nakua: Ma’apai anna perangii puangku tu kadanna tau, kumua: Nadakaran Daud tu la naposanggangna puangku.

1 SAMUEL 24:8

Tete dio kada iate nadampai Daud tu mintu’ taunna sia tae’ naeloranni tu tau iato mai la umpogau’ kadake lako Saul. Ke’de’mi tu Saul lan mai lo’ko’ iato, anna male.

1 SAMUEL 26:18

Sia nakuapa: Ma’apari naula’ra’ puangku susite? Apara penggaurangku sia kakadakean apara kupogau’?

1 SAMUEL 26:19

Totemo la naperangii puangku te kadangku. Iake PUANG umpatudu puangku la umbalina’, melo dirambu pemala’; apa iake tolino, naruamira tampak ropu tu tau iato mai dio oloNa PUANG, belanna naula’imo’ totemo, kuurunganni sikalangkamo mana’Na PUANG, nakuami ma’kada: Malemoko umpenombai deata senga’.