1 SAMUEL 24:6 - Sura' Madatu

⁶ Apa iatonna mangkato, inang ma’rundede duka tu penaanna Daud, belanna mangkamo nase’pa’i tu biring bayu lamba’na Saul.

1 SAMUEL 24:6 ပူးပေါင်းရင်းမြစ်များ

2 SAMUEL 1:14

Nakuami Daud lako: Ma’apai natae’ iko mumataku’ umpatikambe limammu la ussanggangi tu to Natokko PUANG?

2 SAMUEL 24:10

Apa iatonna mangkamo unnia’i tu mintu’ pa’tondokan, ma’parondomi tu penaanna Daud, anna ma’kada tu Daud lako PUANG, nakua: Mandu tonganmo’ kasalan umpogau’i tu iannato; melo, o PUANG, pa’dei dikka’ tu kasalanna taumMi, belanna ma’gau’ to bagana’.

1 DATU 21:3

Apa ma’kada tu Nabot lako Ahab, nakua: Napatoyangmira PUANG dio mai kaleku la ussorongi mati’ kalemi tu mana’ nene’ to doloku.

MATIUS 5:44

Apa Aku Kukua mati’: Ala masei tu ualimmi, sia passambayanganni tu to umpakario-riokomi,

ROMA 12:14

Palakuanni kamauparan tu to umpakario-riokomi; palakuanni kamauparan sia da mitampakki ropu tau.

1 TESALONIKA 5:15

Pengkilalai tonganni, da naden misa’ duka tau umpasipakkanan kakadakean, sangadinna tontongkomi sipaularan kameloan sia unnula’ melo, lako mintu’ tau.

1 SAMUEL 12:3

Totemo ma’diorenmo’. Pamatu’tunmi lako kaleku dio oloNa PUANG sia dio olona to Natokko, kumua: mindamora sapi kuala, mindamora keledai kuala sia mindamora kupakario-rio sia mindamora tu tang kupaolai salunna? Sia mindamora lima kunii untarima pappe’ kuurunganni untutu’ matangku diona kara-karana? Iake denni susinnato la kusondai sule lako kalemi.

1 SAMUEL 24:7

Ma’kadami lako taunna nakua: Napatoyangna’ PUANG dio mai umpogau’i tu apa susite lako datungku tu mangka Natokko PUANG, iamo tu la umpata’pa limangku lako, belanna iamo to Natokko PUANG.