1 SAMUEL 24:22 - Sura' Madatu

²² Iamoto palaoko sumpa lako kaleku totemo tete dio sanganNa PUANG, kumua tae’ mula ussabu’i tu bati’ku sia tae’ mula umpa’dei tu sangangku dio mai sangdadiangku.

1 SAMUEL 24:22 ပူးပေါင်းရင်းမြစ်များ

KADADIAN 21:22

Ma’kadami tonna attu iato lako Abraham tu Abimelekh sola Pikhol, pa’baraninna, nakua: Iatu kamu narondongkomi Puang Matua lan mintu’ penggauran mipogau’.

KADADIAN 21:23

Iamoto menggatakomi totemo lako kaleku ussa’bu’ sanganNa Puang Matua kumua tae’ ammi la ungkadakean lenna’ penaa, ba’tu bati’ku, ba’tu rapungku, sangadinna la mipogau’ lako kaleku sia lako tondok minii mempue lan, tu sitinayanna kameloan mangka kupogau’ lako kalemi.

2 SAMUEL 21:6

la mibenkanni pitu tu anakna muane, angki tokeranni PUANG dio Gibeon Saul, to Natonno’ PUANG. Nakuami datu: La kubenkomi.

2 SAMUEL 21:7

Apa tang namasean penaa datu tu Mefiboset, anakna Yonatan, anakna Saul, belanna mangkamo umposumpa PUANG, tu unnarra’i sola duai iamotu Daud na Yonatan, anakna Saul.

YOHANES 2:24

Apa iatu Yesu tae’ Namatappa’ lako tau iato mai umpamanassa kalena, belanna Natandai nasang tu penaanna.

1 SAMUEL 26:25

Nakuami Saul lako Daud: Musikambi’mora karongkosan, e anakku Daud; apa-apa tu mupogau’, la mupomaupa’. Mangkato malemi sule tu Daud, na iatu Saul sulemo lako inanna.