1 SAMUEL 24:20 - Sura' Madatu

²⁰ Iake den tau unnappa’ ualinna ma’apaopira anna la urrampanan mana’pai male? Iamoto Napakkannimira kameloan PUANG tu apa mupogau’ lako kaleku allo iate.

1 SAMUEL 24:20 ပူးပေါင်းရင်းမြစ်များ

AYUB 15:25

Belanna nae’te’mo tu limanna unnea Puang Matua, sia umbali To umpoissan angge maritik.

PA’PUDIAN 7:5

iake kupogau’ lenmi tu kakadakean lako to kusikadamakan, pissanmi to mangkamo kurampanan tu to tae’ bannangna nanii ungkabiri’na’,

SARAMBU PEADA’ 25:21

Iake tangdia’i tu ualimmu pakandei, iake ma’rangi pairu’i.

MATIUS 2:13

Malena sia tu to patanda-tandan, nakita tindomi Yusuf tu misa’ malaeka’Na Puang, nakua: Millikko, ammu alai tu Pia sola indo’Na, ammu pallaianni lako Mesir, ammu torro dio sae lako kukuammu, belanna napengkali-kalii Herodes undaka’ lalan la umpatei tu Pia.

MATIUS 2:16

Undinna tonna issanmi Herodes kumua napakena to patanda-tandan, lendu’mi sengkena, nasuami tu tau lao umpatei tu mintu’ pia’-pia’ muane, tu lanna tondok Betlehem sia lan mintu’ lili’na, tu ma’angge duang taunnamo dadinna, naagian dio mai tu mangkanna napesumpu lako to patanda-tandan.

RUT 2:12

Na PUANGmora umpapakkanni lako kalemu tu penggaurammu, sia nasundunmora tu rongko’mu dio mai PUANG, Kapenombanna to Israel, tu diong pani’Na munii sae mentiongan.

1 SAMUEL 13:14

Apa totemo iatu kadatuammi tae’ nala masae lako. Mangkamo Nadakaran PUANG Kalena tu misa’ to naala penaanNa, sia tau iato la Naangka’ PUANG dadi arungna mintu’ taunNa, belanna tae’ midampangi tu pepasanNa PUANG lako kalemi.

1 SAMUEL 23:17

Nakuami lako: Da mumataku’ belanna iatu limanna Saul, ambe’ku, tae’ nala ullambi’ko sangadinna inang iko la undatui Israel na aku ma’penduan dio mai kalemu. Naissan melo ambe’ku Saul tu iannato.

1 SAMUEL 26:25

Nakuami Saul lako Daud: Musikambi’mora karongkosan, e anakku Daud; apa-apa tu mupogau’, la mupomaupa’. Mangkato malemi sule tu Daud, na iatu Saul sulemo lako inanna.