1 SAMUEL 24:16 - Sura' Madatu

¹⁶ Iamoto na PUANGmora tu to ma’paolai salu, tu umpaolaiki’ salu aku na kamu; Iamo la untiroi sia la urra’ta’ kara-karaku sia la ussanda tongannina’.

1 SAMUEL 24:16 ပူးပေါင်းရင်းမြစ်များ

KADADIAN 16:5

Ma’kadami Sarai lako Abram: Iatu siri’ku diong riammi; kusorongmo tu kaunanku mati’, na randukna naissan tu kalena kumua ma’tambukmo, natapa’mo’, iamoto PUANG la umpaolaiki’ salunna.

KADADIAN 2:2

Iatonna allo ma’pempitu tonNa patepumi Puang Matua tu pengkaranganNa tu mangka Nakarang, Natorroimi tonna allo ma’pempitu ungkarangi tu mintu’ pengkarangan mangka Nakarang.

KADADIAN 33:4

Ma’dondomi tu Esau sae umpellambi’i, natoei sia naraka’ tu barokona sia naudung anna sitangiran sola duai.

1 OSSORANNA DATU 12:18

Attu iato Narampoimi Penaa tu Amasai, pangulunna tu tau tallungpulo nakua: Taummikan, e Daud; la sisolaki’, o anakna Isai! Lamaupa’komi, la maupa’komi! La maupa’ tu to untunduikomi! Belanna Kapenombammi untunduikomi. Natarimami Daud tu tau iato mai anna angka’i pangulu surodadu.

AYUB 6:25

Lendu’ matoto’na tu kada tongan! Apa apara battuananna tu peta’tanmi?

PA’PUDIAN 119:154

Pasanda salunnana’ diona kasipakkangku tau, amMi lendokanna’; patuona’ susitu pangallu’Mi.

SARAMBU PEADA’ 15:1

Iatu pebali malamma’ ussa’po kasengkean ma’lana-lana, apa iatu kada mapalla umpatiludak ara’na tau.

SARAMBU PEADA’ 25:11

Iatu kada disa’bu’ melo butung bua appel bulaan dipadiong pindan salaka.

LUKAS 21:15

belanna la Kubenkomi kada sia kamanarangan, tu tang nalambi’na nabali ba’tu nagaga mintu’ to unnea- komi.

PENGGAURANNA RASULU’ 6:10

Apa tae’ nabelai tinde tau unneai tu kakinaan sia Penaa urrondongi ma’kada-kada.

TO PARENGNGE’ 11:27

Tonganna tae’ kupogau’ kakadakean lako kalemi, sangadinna kamu kalena umpogau’ kakelokan lako kaleku, belanna moraikomi la urrariina’. Na PUANGmora, tu To ma’paolai salu, umpaolai salunna tu to Israel anna to Amon.

1 SAMUEL 26:17

Natandaimi Saul tu gamaranna Daud, anna ma’kada nakua: Gamarammuraka to, o Daud, anakku? Nakuami Daud: Io puangku datu, iamote tu gamarangku.

1 SAMUEL 26:24

Susi allo iate kupa’budai tu katuoammi, susi dukamoto Nakaritutuimira PUANG tu katuoangku, Narampananna’ dio mai mintu’ kasanggangan.