1 SAMUEL 24:11 - Sura' Madatu

¹¹ Tonganna allo ia dukamote anna matammi kalena untiroi, kumua Nasorong PUANG te allo totemo tu puangku tama limangku lan lo’ko’ iate sia nakuammo’ tau la umpatei puang, apa kukanana’i tu puangku, sia kukua: Ma’apai kula umpata’pai lima tu datu, belanna iamo to Natokko PUANG.

1 SAMUEL 24:11 ပူးပေါင်းရင်းမြစ်များ

2 SAMUEL 1:14

Nakuami Daud lako: Ma’apai natae’ iko mumataku’ umpatikambe limammu la ussanggangi tu to Natokko PUANG?

2 DATU 5:13

Apa attu iato saemi tu mai to mase’ponna urreke’i, anna ma’kada lako, nakua: O ambe’, ianna den misa’ apa masussa napasanangkomi tu nabi, umba mikua tang la umpogau’i? Ondong polepi totemo nakuan mannakomi: Mendio’komi ammi mondo sule?

AYUB 10:16

Iangku adongan ulungku, manassa iatu Puang susito singa unnula’na’ sia Mipakitan pole’na’ kuasa kalle-kalleamMi.

PA’PUDIAN 119:161

Mintu’ tedong pariu’na tondok unnula’ sumpuna’ natae’ bannangna, apa lendu’ ia ma’parondona tu penaangku diona mintu’ kadamMi.

PA’PUDIAN 140:11

Nake nasamboi ruaya tu tau iato mai; sia nake Napembuanganni Puang tama to’ api sia rokko posi’na tana, da nabangun sule.

PA’PUDIAN 35:7

Belanna tae’ bannangna anna tananni bunina’ poyana, sia tae’ bannangna anna garaganni patuang lambe’ tu deatangku.

PA’PUDIAN 59:3

Rampananna’ dio mai mintu’ to umpogau’ kakadakean, sia lendokanna’ dio mai mintu’ to umpato’do rara.

PA’PUDIAN 7:5

iake kupogau’ lenmi tu kakadakean lako to kusikadamakan, pissanmi to mangkamo kurampanan tu to tae’ bannangna nanii ungkabiri’na’,

SARAMBU PEADA’ 15:1

Iatu pebali malamma’ ussa’po kasengkean ma’lana-lana, apa iatu kada mapalla umpatiludak ara’na tau.

BATING 4:18

Attu iato nabasamiki’ matanna tau iato mai, ke mentengkaoki’, naurungan tae’mo tama’din umpolalan rante malona’ta; upu’mo allota sia sumpumo sumandakta, manassa, upu’mo allota!

YEHEZKIEL 13:18

Inde sia tu kadanNa Puangta PUANG: Upu’ allona tu to umbeke’i pa’beke’ pangissan dio lu mintu’ lengo-lengo sia umpalullungi lullung ulunna to kapua sia to bitti’, la untingkan deatanna tau! La mitingkanraka tu deatanna taungKu, ammi tiroan kalena deatammi!

MIKHA 7:2

Iatu to mekaaluk tae’mo lan tondok sia to ma’bulo sanglampa tae’mo dio lu torro tolino. Pada ma’penunumo tu tau iato mai la umpatibollo rara; pantan undaka’ lalan la umpoya siulu’na.

YOHANES 15:25

Apa ia sia nadadi susito tu ianna te, kumua anna sundun tu kada disura’ lan Sura’ Sukaran alukNa, tu nakua: Nakabiri’Na’ tu tau iatu mati’ natae’ bang bannangna.

1 SAMUEL 12:3

Totemo ma’diorenmo’. Pamatu’tunmi lako kaleku dio oloNa PUANG sia dio olona to Natokko, kumua: mindamora sapi kuala, mindamora keledai kuala sia mindamora kupakario-rio sia mindamora tu tang kupaolai salunna? Sia mindamora lima kunii untarima pappe’ kuurunganni untutu’ matangku diona kara-karana? Iake denni susinnato la kusondai sule lako kalemi.

1 SAMUEL 18:27

Iatonna tae’pa nalambi’i atunna, ke’de’mi tu Daud sola taunna, anna patei tu muane to Filistin dua ratu’, anna baai Daud tu mai kuli’ salepe’ kamuaneanna tau iato mai, namale tau umpennoloanni lako datu ganna’ bilanganna, kumua anna pomanintui datu. Naelorammi Saul tu Mikhal, anakna napobaine Daud.

1 SAMUEL 23:14

Torromi tu Daud dio lu padang pangallaran lan lu tambakuku, sia torro dao lu buntu lan padang aak Zif. Nalan mintu’ allo iato nadaka’ Saul, apa tae’ Nasorongi Puang Matua tama limanna.

1 SAMUEL 23:23

Tiro meloi sia kanassai tu mintu’ pembunian nanii membuni. Mangkato ammi sule lako kaleku umbaa kareba manassa anta mane male sola. Na iake lanni tondok iate, manassa la kudaka’ sakuappa’na lan lu massa’bu-sa’bu to Yehuda.

1 SAMUEL 25:28

Pagarri’i tu kapatodo-tintinganna kaunanmi, apa PUANG la unggaragangkomi misa’ banua matontongan, belanna mipogau’mo tu rarinNa PUANG sia moi misa’ kakadakean tae’ diapparan dio kalemi lan mintu’ allo katuoammi.

1 SAMUEL 26:18

Sia nakuapa: Ma’apari naula’ra’ puangku susite? Apara penggaurangku sia kakadakean apara kupogau’?

1 SAMUEL 26:20

Iatu raraku dennoupa’ da natibollo rokko padang mambela dio mai oloNa PUANG. Belanna iatu datu to Israel sunmo la undaka’ misa’ talla sia susito unnula’ manuk lampung dao lu tanete.

1 SAMUEL 26:23

Na PUANG pantan la umpapakkanni tu kamaloloanna sia kamarurusanna, belanna PUANG ussorongkomi lako kaleku allo iate, apa manokana’ umpata’pai lima tu to Natokko PUANG.