1 SAMUEL 24:10 - Sura' Madatu

¹⁰ Ma’kadami Daud lako Saul, nakua: Ma’apai anna perangii puangku tu kadanna tau, kumua: Nadakaran Daud tu la naposanggangna puangku.

1 SAMUEL 24:10 ပူးပေါင်းရင်းမြစ်များ

PA’PUDIAN 105:15

Nakua kadanna: Da mirumbui lako tu mati’ to mangka Kutokko, sia da mipogau’ kadakena lako mintu’ nabingKu!

PA’PUDIAN 125:3

Belanna iatu tekken kapayunganna mintu’ to tang mekaaluk tae’ anna la masae lako dio lu to’ kataananna mintu’ to malambu’, kumua da anna kaka’i to malambu’ tu kakadakean.

PA’PUDIAN 7:3

Da nasusi to singa ungkabessena’, sia nase’bu-se’buna’, ke tae’i tau urrampananna’.

PA’PUDIAN 7:4

O PUANG, Kapenombangku, iake kupogau’ lenmi tu susinnato, sia iake denni kakelokan lan lisu pala’ku,

KATASSURAN 21:13

Apa iake tae’ naangga’i tu kamateanna, sangadinna pangeloranNa Puang Matua naruai limanna. Aku la umpadulluangko tu inan ma’din la nanii lussu’ lako.

YEHEZKIEL 22:9

Lan lu tangngamu den tu to ma’palele beko umpembelai la umpatibollo rara sia iatu to lan kotamu umpogau’ pemala’ dao lu buntu; sia lan tangngamu nanii to ma’gau’ sala.

SURA’ KATOMINAAN 19:16

Da mumale ma’pakadake lele dio lu bangsamu; sia da mudaka’ lalan la umpatibollo rarana padammu ma’rupa tau. Akumo tu PUANG.

1 SAMUEL 24:4

Rampomi lako barung domba dio lu biring lalan. Denmi inde to dio tu misa’ lo’ko’; anna tama tu Saul la ma’to’kayu. Iatu Daud sola mintu’ taunna unno’ko’ lan lo’ko’ iato dio inan ringki’na lan.

1 SAMUEL 24:9

Mangkato ke’de’omi tu Daud nasun lan mai lo’ko’; metambami dio mai boko’na Saul, nakua: O puangku, o datungku! Messailemi tu Saul; menombami tu Daud anna tukku sae rokko padang.