1 SAMUEL 23:21 - Sura' Madatu

²¹ Ma’kadami Saul, nakua: Napamasakkemorokomi PUANG, belanna mipa’petiroan tu kamamaseammi lako kaleku.

1 SAMUEL 23:21 ပူးပေါင်းရင်းမြစ်များ

KADADIAN 20:13

Susimoto, tonna suana’ Puang Matua tassu’ lan mai banuanna ambe’ku male lako padang tau, kukuami lako: Inde tu tanda kamamaseammu lako kaleku, tu la mupasomboanna’ umba-umba tu inan tarampoi, pokadai kumua siulu’muna’.

2 SAMUEL 2:5

Mesuami Daud lako to Yabesh dio Gilead, nakua lako: Naparongko’morokomi PUANG, belanna kamaturu-turuan tu mipogau’ lako puangmi, iamotu Saul, tu mangkamo milamun.

PA’PUDIAN 10:3

Belanna iatu to tang mekaaluk ussattuan kalena unturu’ lalan penaanna, sia iatu to mesaro bu’tu kadake untendeng kalena sia umpa’kada solangi PUANG.

YESAYA 66:5

Tananni talinga tu kadanNa PUANG, e kamu tu ma’parondona belanna kadanNa: Iatu mintu’ siulu’mi, tu ungkabiri’komi sia ussisarakangkomi belanna sangangKu ma’kada nakua: Melo ke umpaombo’i kamala’biranNa tu PUANG, angki tiroi tu kasendeammi. Apa ia kalena la kasirisan tu tau iato mai.

MIKHA 3:11

Iatu mintu’ pangulu ma’paolai salu ungkande pappe’, sia mintu’ to minaa mangada’ umpalaku saro sia mintu’ nabi pakita-kita umpalaku doi’. Moi na susito iatu tau iato mai sande’ duka lako PUANG sia ma’kada nakua: Tae’raka PUANG dio lu kaleta? Tae’ nala urrampoiki’ kamandasan!

TO PARENGNGE’ 17:2

Ma’kadami lako indo’na nakua: Iatu salaka sangsa’bu saratu’ sikele’, tu diboko dio mai kalemi sia umpokadamokomi tampak ropu diona to tama pa’perangingku, manassa iatu doi’ iato dio sia kaleku, akumo unnalai. Ma’kadami indo’na nakua: Napamasakke-sakkemoroko PUANG, e anakku.

1 SAMUEL 15:13

Iatonna rampomo tu Samuel lako Saul, nakuami Saul lako: Napamasakkemorokomi PUANG! Iatu parentaNa PUANG kupalalomo.

1 SAMUEL 22:8

Ammi sanginaara sola nasang unneana’ sia moi misa’ te kamu sola nasang tae’ bangkomi umpokadanna’, kumua anakku kalena sipamangka kada tu anakna Isai. Sia moi misa’komi tae’mo tu ungkagianganna’ ba’tu umpokadanna’ tu diona anakku ussede taungku, dadi to la untobanganna’, susite totemo.

1 SAMUEL 23:22

Totemo malemokomi ma’pasakka’, ammi tiroi sia mipemanassai umba nanii lalan lette’na sia minda tu manassa untiroi dio, belanna iatu mintu’ penggauranna nalaoan kamatarrusan.