1 SAMUEL 23:20 - Sura' Madatu

²⁰ Totemo, o puang, iake denmi penaammi la male rokko, rokkokomi madoi’; na kami sola nasang untanggungi la ussorongi lako kalemi.

1 SAMUEL 23:20 ပူးပေါင်းရင်းမြစ်များ

2 SAMUEL 3:21

Ma’kadami Abner lako Daud, nakua: Totemo la malemo’ urrampunni tu mintu’ to Israel lako puangku datu, anna sibasse puangku tu mintu’ tau iato mai sia ammi parentai tu mintu’ apa nakalo’ penaammi. Mangkato messimanmi tu Abner lako Daud, anna male marampa’.

PA’PUDIAN 112:10

Iatu to tang mekaaluk rosso la untiroi tu iannato umpasisange’ isinna, anna poton; sia iatu kamaduanganna to tang mekaaluk tang lolo’.

PA’PUDIAN 54:3

Lendokanna’, o Puang Matua, tete dio sangamMi, sia sanda tongannina’ tete dio kuasamMi.

SARAMBU PEADA’ 11:23

Iatu apa naanga’ to malambu’, kamauparan manna napaden; apa iatu apa narannuan to tang mekaaluk kasengkean manna napaden.

SARAMBU PEADA’ 24:15

E kamu, to tang mekaaluk, da miodo’i tu banuanna to malambu’, sia da misanggangi tu inan katorroanna.

SARAMBU PEADA’ 29:26

Buda tau untuntun pa’kamaseanna to ma’parenta, apa lu dio mai PUANG nanii tau unnappa’ katonganan.

PA’TOLE 18:6

Iake tassu’i tu to Lewi dio mai sala umbanna kotamu lan mintu’ Israel, tu nanii umpatuo rambu, sia male unturu’ lalan inaanna lako inan, tu la Napilei PUANG,

1 SAMUEL 23:12

Nakua pole’omi Daud: La nasorong tonganra’ka to Kehila sola mintu’ taungku lako Saul? Ma’kadami PUANG Nakua: La nasorongko tau iato mai.

1 SAMUEL 23:21

Ma’kadami Saul, nakua: Napamasakkemorokomi PUANG, belanna mipa’petiroan tu kamamaseammi lako kaleku.