1 SAMUEL 23:16 - Sura' Madatu

¹⁶ Ta’kala ke’de’mi tu Yonatan, anakna Saul, anna male sitiro Daud dio Koresa sia umpabatta’ penaanna umposande’ Puang Matua.

1 SAMUEL 23:16 ပူးပေါင်းရင်းမြစ်များ

NEHEMIA 2:18

Iatongku pokadammi tau iato mai, kumua narondongna’ pa’kaboro’Na Kapenombangku, sia umba nakua tu datu mangkamo ma’kada lako kaleku, ma’kadami tu tau iato mai nakua: La ke’de’ki’ umbangunni sule. Napabatta’mi tu penaanna ungkarangi tu pengkarangan melo.

AYUB 16:5

Pudukku la umpabatta’ penaammi sia pa’pakatanangku la umpamaringankomi.

SARAMBU PEADA’ 27:17

Iatu bassi umpamataran bassi, susi duka tu tau umpamataran to senga’.

SARAMBU PEADA’ 27:9

Iatu minna’ sia pandere’ umpamanaman penaanna tau, susi dukato tu kasisangmanean lantuk diona pa’pakilala malolo.

YEHEZKIEL 13:22

Belanna miparossomo tu penaanna to malambu’ tete dio kamo’rangan, moi natae’ Kupamasussai, sia mipamatoto’ tu limanna to tang mekaaluk, kumua da natibalik dio mai lalan kadakena, anna tuo.

LUKAS 22:32

apa mangkamoko Kupassambayangan, da napinda tu kapatonganammu, dadi iammu mangkamo mengkatoba’, pabatta’i tu penaanna mintu’ siulu’mu.

LUKAS 22:43

Payanmi lako Kalena tu malaeka’ misa’ dao mai suruga umpabatta’I.

EFESUS 6:10

Nama’katampakanna la bintinkomi lan Puang sia umpomatoto’ kamatotoran kuasanNa.

PA’TOLE 3:28

Apa iatu parentamu pokadanni Yosua, pamatoto’i sia pabatta’i, belanna iamo la undoloanni te bangsa lamban lian sia la napaketaa mana’ lako bangsa iato te tondok, tu la mutiro.

2 TIMOTIUS 2:1

Iamoto, e anakku, mananna’ko lan pa’kamasean tete dio Kristus Yesu.

1 SAMUEL 23:15

Iatonna issanmi Daud, kumua undaka’ lalan tu Saul la umpatei, torromi lan padang pangallaran Zif dio Koresa.

1 SAMUEL 30:6

Kapussakan tongan tu Daud, belanna iatu to buda sipa’kada-kada la untumbui batu, belanna kamapallanna penaanna tu to buda, tu diona anakna muane sia diona anakna baine, apa iatu Daud umpabatta’ penaanna urrannuan PUANG, Kapenombanna.