1 SAMUEL 23:13 - Sura' Madatu

¹³ Ta’kala ke’de’mi tu Daud sola mintu’ solana, agi-agi annanratu’, tassu’ lan mai Kehila, anna salamba salao lu lako lu dio mai. Iatonna pokadammi tau Saul, kumua tilendokmo tu Daud lan mai Kehila, tae’mi napatarru’ kalingkanna tu datu lako.

1 SAMUEL 23:13 ပူးပေါင်းရင်းမြစ်များ

2 SAMUEL 15:18

Iatu mintu’ taunna lumingka lendu’ dio olona, susi dukato tu mintu’ to Kreti sola to Pleti. Ia duka tu mintu’ to Gat, annan ratu’na, tu lu dio mai Gat, tu unturu’ datu, lumingka lendu’ dio olona datu.

2 SAMUEL 15:20

Mane sangmai’ ammu sae, ma’apai angku la ussolangko te allo iate male sola salamba salao. Manassa la malena’ lako umba-umba tu ma’din kunii male. Apa iatu iko la suleko musolanni tu mintu’ siulu’mu. Nakamasokanammora sia kamarurusan urrondongko.

AYUB 5:12

Ia umpatangdadi tangnga’na to pakira-kira, anna tang danun tu mai pengkaranganna.

PA’PUDIAN 34:5

Undaka’mo’ PUANG, anNa baliimo’, sia Narampanammo’ dio mai mintu’ kukataku’na.

1 SAMUEL 22:2

Sirampun nasangmi lako kalena tu mintu’ to lan kamakario-rioan sia mintu’ to kaindanan sia mintu’ to mapalla penaanna; iami umpangului tu tau iato mai, anna torro sola, tu agi-agi a’pa’ratu’ muane.

1 SAMUEL 25:13

Ma’kadami tu Daud lako mintu’ taunna, nakua: La pada untakin nasangkomi pa’dangmi. Pantan untakin nasangmi pa’dangna sia Daud kalena untakin duka pa’dangna, anna male nasang tu tau iato mai unturu’ Daud, agi-agi a’pa’ratu’ tau na duaratu’ tu tau torro dio ungkampai mintu’ parea.