1 SAMUEL 23:10 - Sura' Madatu

¹⁰ Nakuami Daud: O PUANG, Kapenombanna to Israel, den kareba manassa narangi taumMi, kumua iatu Saul ma’tangnga’ la sae lako Kehila la ussanggang tondok belanna aku.

1 SAMUEL 23:10 ပူးပေါင်းရင်းမြစ်များ

KADADIAN 18:24

Umbai den limangpulo tu to malambu’ lan tondok iato, ma’apari anNa la ussabu’iri Puang, natae’ Nakarimmanni tu tondok iato bannang dio te limangpulo to malambu’ lan?

ESTER 3:6

Apa nasanga tangganna’pa ke Mordekhai manna napatei, belanna napokadamo tau lako tu bangsana Mordekhai; iamoto nadaka’ lalan tu Haman la ussanggangi tu mintu’ to Yahudi, bangsana Mordekhai, lan mintu’ kadatuanna Ahasweros.

SARAMBU PEADA’ 28:15

Susi singa umburrung sia susi beruang tangdia’, susi dukamo a’ganna to tu pangulu tang mekaaluk umparenta misa’ bangsa malamma’.

1 SAMUEL 22:19

Sia nabela’ nasang pa’dang tu mintu’ to dio Nob, tondokna to minaa iato, la muane la baine, la pia, la pia’-pia’ ma’susupa, ondongpi mintu’ sapi sia keledai sia domba napa’dangi nasang.

1 SAMUEL 23:11

La nasorong tonganra’ka to Kehila tama limanna? La solo’ tonganraka tu Saul dao mai, susitu kareba narangi taumMi? O PUANG, Kapenombanna to Israel, pokadanni taumMi tu manassana. Ma’kadami PUANG, Nakua: Tonganna la solo’ dao mai.

1 SAMUEL 23:8

Nasuami Saul urrampunni tu mintu’ tau la parari, anna solo’ tu tau iato mai rokko Kehila, la umpatama limbu Daud sola mintu’ solana.

1 SAMUEL 23:9

Iatonna issanni Daud, kumua iatu Saul ma’tangnga’ kadake la unneai, ma’kadami lako to minaa Abyatar, nakua: Banna’ mai tu epo’.