1 SAMUEL 22:4 - Sura' Madatu

⁴ Nasolammi Daud tu tau iato mai mentilindung lako datu Moab, anna torro sola lan mintu’ allo katorroanna Daud lan tambakuku iato.

1 SAMUEL 22:4 ပူးပေါင်းရင်းမြစ်များ

2 SAMUEL 24:11

Iatonna melambi’ millikmi tu Daud: attu iato rampomi tu kadanNa PUANG lako nabi Gad, to patanda-tandanna Daud, nakua:

2 SAMUEL 8:2

Sia natalo duka tu to Moab, sia nasua mamma’ tungara diong padang, nasuka’i ulang; iake naalaoi ulang pesuka’ sipenduan, iamo dipatei, na iatu ganna’na sipissan ulang pesuka’, iamo dipatuo. Susimoto tu to Moab mengkanorong lako Daud sia umbaya’ sima.

1 OSSORANNA DATU 11:16

Attu iato iatu Daud lan tambakuku, na attu ia dukato iatu pa’kampan surodadu to Filistin dio Betlehem.

1 OSSORANNA DATU 12:16

Sae dukami tu ba’tu pira-pira to Benyamin sola to Yehuda umpellambi’i Daud dio to’ tambakuku.

1 OSSORANNA DATU 21:9

Ma’kadami tu PUANG lako Gad, to patanda-tandanna Daud, Nakua:

1 OSSORANNA DATU 29:29

Iatu tuna’na Daud, la iatu dolona la iatu undinna, tisura’mo lan tuna’na Samuel, to patanda-tandan, sia nabi Natan sia Gad, to patanda-tandan,

2 OSSORANNA DATU 29:25

Nasuami tu to Lewi bendan sikandappi’ banuanNa PUANG untangke taa’-taa’, dandi sia katapi, susitu napasan Daud sia Gad, to patanda-tandanna datu sia nabi Natan, belanna iatu pepasan iato Napokada PUANG nalopian tu mai to minaanna.

NEHEMIA 6:11

Apa ma’kadana’ kukua: Ma’dinraka misa’ muane susi aku te la mallai? Ma’dinraka tu misa’ tau susi aku te tu tama Banua Kabusungan la tuo? Tae’ kula male.

PA’PUDIAN 11:1

Lu lakona pangala sengo. Pa’pudianna Daud. Lako manna PUANG kunii sande’! Ma’apai ammi kua lako deatangku: Mallaiko langngan padang ma’buntummu butung manuk-manuk?

MATIUS 10:23

Ianna pakario-riokomi tau lan misa’ kota, mallaikomi lako kota senga’, belanna tonganna tongan Kukua mati’, kumua tae’ naupu’ misalongi tu mintu’ kota Israel, ke tae’i nasae tu Anak rampan dilino.

1 SAMUEL 22:3

Tilelemi tu Daud inde to dio mai lako Mizpa lan lili’na Moab; anna ma’kada lako datu Moab, nakua: Elorampi tu indo’ ambe’ku torro sola mintu’ taummi sae lako kuissanna umba Napakuanna’ Puang Matua undinna.

1 SAMUEL 22:5

Ma’kadami nabi Gad lako Daud, nakua: Da’ mutorro lan tambakuku iate, sangadinna tileleko lako tondok Yehuda. Tilelemi tu Daud, anna rampo tama pangala’ Keret.