1 SAMUEL 22:18 - Sura' Madatu

¹⁸ Nakuami datu lako Doëg: Iamo, rokki tu mintu’ to minaa iato. Malemi lako tu Doëg, to Edom, narokki tu mintu’ to minaa, napatei to allo iato tu muane karuapulona llima tu ma’bayu lamba’ mabusa.

1 SAMUEL 22:18 ပူးပေါင်းရင်းမြစ်များ

2 OSSORANNA DATU 24:21

Sipakulu-kulumi tu tau iato mai la umpatei anna leba’i batu tete dio pa’parentana datu lan tarampak banuanNa PUANG.

PA’PUDIAN 78:64

Siapanammo tu mintu’ to minaanna nakande bassi mataran, natae’ anna batingi to balunna.

KATASSURAN 28:40

Iatu mai mintu’ anakna Harun tu mai muane la mugaragan bayu lanna lu sia popegaraganni tu pepori aakna sia popegaraganni tali anna pomala’bi’i sia napobeloi.

SARAMBU PEADA’ 24:15

E kamu, to tang mekaaluk, da miodo’i tu banuanna to malambu’, sia da misanggangi tu inan katorroanna.

HOSEA 5:11

Iatu Efraim dipakario-riomo, sia disanggangmo napobua’ salunna, belanna naala penaanna male unturu’ apa tae’ gai’na.

HOSEA 7:3

Napasende kakadakeanna tau iato mai tu datu sia mo’rangna tu mai arung.

MIKHA 6:16

Belanna mintu’ tu apa napondok Omri dikaritutui sia mintu’ penggauranna to lan banuanna Ahab, sia lolangko unturu’ pa’timbanganna, kumua angKu popendadiko misa’ apa metirambanan sia iatu mintu’ pa’tondokkanna la Kupadadi misa’ apa ditatta; susimokomito la umpassanni tu kadilo’boanna taungKu.

ZEFANYA 3:3

Mintu’ arungna dio lu tangngana susi bang singa umburrung-burrung, mintu’ to ma’paolainna salu susi bang, guruk ke bongi, tu tang massesa sae lako melambi’na.

1 SAMUEL 2:18

Apa iatu Samuel tontong umpogau’ toena dio oloNa PUANG; mangurapa ia sia ma’sambu’ lenang.

1 SAMUEL 2:28

Kutonnorammo Kaleku dio lu mintu’ suku to Israel la dadi to minaa, kumua anna kendek langngan inan pemalarangKu, sia la untunu dupa sia umpake epo’ dio oloKu, sia lako to lan banuanna ambe’mu Kubenmo tu mintu’ pemala’ ditununna to Israel.

1 SAMUEL 2:36

La dadi undinna kumua minda-minda tu torronapa lan banuammu, la sae anna tukku menomba lako kalena umpalaku doi’ sangbatu salaka ba’tu roti sangbatu, anna ma’kada nakua: Popengkarangna’ dikka’ lan misa’ pengkarangan katominaan, angku ma’din ungkande roti sangsuakan.