1 SAMUEL 22:17 - Sura' Madatu

¹⁷ Ma’kadami datu lako mintu’ to ma’kampana tu bendan dio sa’dena patomali, nakua: Iamo, pateimi tu mintu’ to minaanNa PUANG, belanna sanginaa duka Daud tu tau iato; naissan tu diona kamallaianna, anna tae’ napokadan bunina’. Apa tang tikambe limanna tu mintu’ surodadunna datu la urrokki tu mintu’ to minaanNa PUANG.

1 SAMUEL 22:17 ပူးပေါင်းရင်းမြစ်များ

2 SAMUEL 15:1

Mangkato, mesuami Absalom umparandan kareta sia darang sia tau limangpulo dolo ma’dondo-dondo dio olona.

1 DATU 1:5

Attu iato, iatu Adonia, anakna Hagit matampo penaanna naurunganni ma’tangnga’ nakua: Akumo tu la datu. Napasakka’mi tu ba’tu pira-pira kareta sia pakkanarang sia limangpulo tau la dolo ma’dondo-dondo dio olona.

1 DATU 14:27

Nagaragami Rehabeam tu ba’tu pira-pira balulang tambaga la sondana, anna patageranni kamandang to ma’kampa, tu ungkampai babangan tongkonan layukna datu.

1 DATU 18:4

Belanna iatonna rabunni Izebel tu nabinNa PUANG, naala Obaja tu saratu’ nabi, anna bunii, silimangpulo lan ke misa’oi lo’ko’, anna parakai naben roti sola uai.

2 DATU 10:25

Iatonna mangkamo tu tau umpemalaran pemala’ ditunu pu’pu’, ma’kadami Yehu lako mintu’ to ma’kampa sia kamandang, nakua: Malekomi tama, ammi patei tu tau iato mai, moi misa’ tau da mipalussu’i. Napateimi pa’dang sola nasangi, anna tibei tu mai to ma’kampa sia kamandang tu batang rabukna. Undinnato sulemi tama lili’ kota, tu kampong nanii banua Baal.

KATASSURAN 1:17

Apa mataku’ tu to ma’pakianak iato lako Puang Matua sia tae’ naturu’i tu kadanna datu Mesir, sangadinna napatuo tu mintu’ pia muane.

PENGGAURANNA RASULU’ 4:19

Apa mebali Petrus na Yohanes sia nakua ungkuanni tinde tau: Timbang kalenai, ke la sipatui dio oloNa Puang Matua tu umpalosongi unturu’komi na unturu’ Puang Matua.

1 SAMUEL 14:45

Apa mebali tu to buda lako Saul, nakua: Ma’dinraka la dipatei tu Yonatan, tu umpadenmo kapataloan kapua dio lu to Israel? Toyang mambela iato! La lelukrika tuoNa PUANG, anna la rondonra tu beluakna sanglamba’ dao mai ulunna rokko padang. Belanna diona pa’tunduanNa Puang Matua anna pogau’i tu mintu’ apa iato lan allo iate. Susimoto tu kanarampananna mintu’ tau tu Yonatan, naurunganni tae’ nadadi dipatei.

1 SAMUEL 2:31

Tonganna la sae tu allona angKu sembangi tu takia’mu sia takia’na to lan banuanna ambe’mu, naurungan moi misa’ to matua tae’mo lan banuammu.

1 SAMUEL 20:33

Naayakammi Saul tu dokena la urrokki. Anna tandai Yonatan, kumua kalebumo penaanna ambe’na la umpatei tu Daud.

1 SAMUEL 22:13

Nakuami Saul lako: Ma’apai ammi sanginaa sola nasang la unneana’, la kamu, la anak Isai, miurungan umbenni roti sia pa’dang sia mipekutanan lako Puang Matua tu a’ganna, kumua anna balina’ sia untobanganna’, susite totemo.

1 SAMUEL 22:16

Apa nakua datu: E Ahimelekh, manassa inang la dipateikomi, la kamu la mintu’ sangdadiammi.

1 SAMUEL 25:17

Totemo la miissan sia la mitimbang melo tu apa sipatu la mipogau’, belanna dipamanassamo tu kasanggangan lako puangki sia lako mintu’ to lan banuanna. Tonganna iamo misa’ to kadake, tu tang diissan disipa’kadan.

1 SAMUEL 8:11

sia nakua: La susite tu ada’na datu la umparentakomi; la naala tu mai anakmi muane napotomengkarangi dio to’ karetana sia napotomangkambi’ darang, sia to napopa’dondo-dondo dolo dio tingayo karetana.