1 SAMUEL 22:15 - Sura' Madatu

¹⁵ Mane iaraka te kupekutananni lako Puang Matua diona a’ganna? Inang tae’ iato! Da mipapassannina’ ba’tu sangdadiangku tu iannato, belanna moi misa’ tae’ kuissanni tu apa iato, la kapua, la bitti’.

1 SAMUEL 22:15 ပူးပေါင်းရင်းမြစ်များ

2 SAMUEL 15:11

Iatu to nasolan Absalom ke’de’ dio mai Yerusalem duaratu’, mintu’i to ditambai tama pa’maruasan. Mintu’nate tau iate malambu’ penaanna male belanna tae’ natandai tu iannato.

2 SAMUEL 19:18

Lambanmi tu tau iato mai dio kalambanan, anna palambanni sambali’ mai tu mintu’ to lan tongkonan layukna datu sia napogau’ tu apa naala penaanna datu. Na iatu Simei, anakna Gera tukku menomba dio olona datu, tonna mane la lamban Yordan tu datu,

2 SAMUEL 19:19

anna ma’kada lako datu, nakua: Da dikka’ mipapassannina’ tu kakadakeangku sia da mikilalai tu salaku, tu kupogau’ tonna tassu’ tu puangku datu lan mai Yerusalem. Damo dikka’ napalan penaai puangku.

2 SAMUEL 5:19

Mekutanami Daud lako PUANG, nakua: La sirarira’ka tu to Filistin? La Misorongraka tama limangku? Ma’kadami tu PUANG lako Daud, Nakua: Ke’de’moko, belanna manassa la Kusorong tu to Filistin tama limammu.

2 SAMUEL 5:23

Napekutanammi Daud lako PUANG, anNa ma’kada tu Puang Nakua: Da mulaoi dio mai tingayo, tigirikko ammu tamai boko’i, muurunganni ullaoi dio mai to’ garonto’ baka.

2 KORINTUS 1:12

Belanna iatu kapassattuangki, tu natonganan sukaran inaangki, kumua iatu gau’ki lan te lino, ontongpi lako kamu situru’ kamaindanan sia kamaseroan, lu dio mai Puang Matua, tangngia situru’ kakinaan katolinoan, sangadinna diona pa’kamaseanNa Puang Matua.

1 SAMUEL 22:16

Apa nakua datu: E Ahimelekh, manassa inang la dipateikomi, la kamu la mintu’ sangdadiammi.

1 SAMUEL 25:36

Iatonna rampomo tu Abigail lako Nabal, natiromi: lan banuanna den misa’ pa’maruasan susi pa’maruasan datu sia parannu paiman tu penaanna Nabal sia lendu’ ia malangona. Iamoto anna moi sangbuku kada tae’ napokada Abigail lako kalena, la kapua, la bitti’ sae lako melambi’na.