1 SAMUEL 21:5 - Sura' Madatu

⁵ Mebalimi Daud lako to minaa iato, nakua: Inang dipatoyangkan dio mai baine susi dolona, ke tassu’ona’ parari, sia maindan tu pa’bunona tau iato mai; sia iate kalingkan iate, moi nabiasa, apa napamaindan pa’buno.

1 SAMUEL 21:5 ပူးပေါင်းရင်းမြစ်များ

KATASSURAN 19:14

Solo’mi tu Musa dao mai buntu rokko to’ to buda, anna pamaseroi tu tau iato mai, sia pada umbusukki pakeanna.

KATASSURAN 19:15

Ma’kadami tu Musa lako to buda, nakua: Ma’parandankomi sae lako duang bongi; moi misa’ tau tae’ nama’din urrumbu baine.

KATASSURAN 25:30

Sia palenna’i tu roti dipennoloan dao meda iato tontong dio oloKu.

SURA’ KATOMINAAN 24:9

Iamote tu la napotaa Harun sola mintu’ anakna, sipatu la nakande lan inan maindan, belanna mandu masero lako kalena; naala duka bilangan tu pemala’ pantunu dipemalaran lako PUANG; iamote tu aluk dipondok matontongan.

SURA’ KATOMINAAN 8:26

Sia lan mai baka nanii roti tang diragii tu dio oloNa PUANG, naala tu misa’ roti tang diragii, misa’ pa’ranggina tu dipasirau minna’ sia misa’ pa’ranggina manipi’, anna patoppo’i dao mintu’ lompo iato sia dao pesese kanan iato.

PENGGAURANNA RASULU’ 9:15

Apa Nakua Puang lako: Laomoko, belanna iamotu butung misa’ parea ditonnoranNa’ la umpatale’ sangangKu lako mintu’ to kapere’ sia datu sia to Israel.

1 KORINTUS 7:5

Da mima’pasitanan, bokoranna ke pada elo’mi patomalimmi ba’tu sangapa-apa, anna den kapalambirammi massambayang, mimane sisola sule, da anna rosokomi deata bulituk, apa tae’ mibelai untaloi kalemi.

1 PETRUS 3:17

Apa mandu melo ke miperasai tu kamaparrisan, – ke Napoelo’i Puang Matua –, belanna umpogau’ melo na iatu umperasai parri’ belanna umpogau’ kadake.