1 SAMUEL 21:11 - Sura' Madatu

¹¹ Apa nakua tu mintu’ to mase’ponna Akhis lako datu: Tangiaraka te tu Daud, datunna tondok iato? Tae’raka na iamotu napa’dandanan tau, nakua: Napatei Saul massa’bu-sa’bu! Apa Daud ma’lampa-lampa!

1 SAMUEL 21:11 ပူးပေါင်းရင်းမြစ်များ

PA’PUDIAN 34:1

Pa’pudianna Daud tonna unna’ga to bomboan kalena dio olona Abimelekh, tu unnula’i anna mallai.

1 SAMUEL 16:1

Ma’kadami tu PUANG lako Samuel, Nakua: Sangapapoko la masse penaammu ungkilalai Saul, tu mangkamo Kutumpu, kumua damo nadatui tu to Israel? Issiimi minna’ tu tandukmu, ammu male, belanna la Kusuako male lako Isai, to Betlehem, belanna dio mai mintu’ tu anakna muane Kutonnoran Kaleku misa’ datu.

1 SAMUEL 19:18

Susito mallaimi lussu’ tu Daud anna rampo lako Samuel dio Rama, napokadanni tu mintu’ apa nagauranni Saul. Malemi sola Samuel natorro sola duai dio Nayot.

1 SAMUEL 27:1

Undinnato ma’tangnga’mi Daud, nakua: Ba’tu umbami allo anna sanggangina’ Saul. Tae’ senga’na tu la kupomelo, sangadinna la malena’ umpentilindungan kaleku lako to Filistin; iake susito, manassa natoreimo Saul undaka’na’ lan mintu’ lili’na tana Israel sia tilendokmo’ dio mai limanna.

1 SAMUEL 27:2

Ke’de’mi tu Daud anna male sola tu tau annanratu’ nasolan, umpelambi’i Akhis, anakna Maokh, datu tondok Gat.

1 SAMUEL 29:5

Tang Daud iaraka te tu napopenanian tau a’ganna tonna ma’dandan sisonda-sonda menani, nakua: Napatei Saul massa’bu-sa’bu! Apa Daud ma’lampa-lampa?