1 SAMUEL 20:9 - Sura' Madatu

⁹ Nakuami Yonatan: Tae’ nala urrampoiko tu iannato! Apa iangku issan tonganni, kumua iatu ambe’ku manassa la umpogau’ kadake lako kalemu, ma’apai angku tang la umparampoangko?

1 SAMUEL 20:9 ပူးပေါင်းရင်းမြစ်များ

1 SAMUEL 19:2

Nakuami Yonatan lako Daud: Iatu ambe’ku Saul morai la umpongkoko; manikale’ kainga’i tu kalemu, maleko lako kabunianna, ammu membuni dio.

1 SAMUEL 19:3

Kutassu’mora, angku bendan dio sa’dena ambe’ku dio padang, tu muninna, angku sipa’kada-kadamora ambe’ku diona a’gammu, la untiroi tumbai tu apa dadi, angku pokadangko.

1 SAMUEL 20:10

Nakuami Daud lako Yonatan: Mindara la sae umparampoanna’ ke nakada layukkimoko ambe’mu?

1 SAMUEL 20:38

Metamba pole’omi tu Yonatan dio mai boko’ lako pia iato, nakua: Madoi’ko lako, da mutorro! Naalami tinde pia tu tinaran iato, anna sule lako puangna.

1 SAMUEL 20:42

Nakuami tu Yonatan lako Daud: Male marampa’moko, belanna manassa mangka tasibassei tete dio sanganNa PUANG, kumua: Na PUANGmora lan alla’na bati’ku sia bati’mu tontong sae lakona.

1 SAMUEL 20:8

Pa’petiroanni tu kamarurusammu lako taummu, belanna mangkamoki’ sibasse dio oloNa PUANG. Iake denni kakelokangku, iko bangmo umpateina’. Da’iomito musolanna’ lako ambe’mu.