1 SAMUEL 20:41 - Sura' Madatu

⁴¹ Iatonna malemo tu pia iato, to’long lu lo’mi mai tu Daud, anna tukku rokko padang menomba pentallun; siudungmi sia sitangiran sola duai, naurunganni unni’duk-i’duk tumangi’ tu Daud.

1 SAMUEL 20:41 ပူးပေါင်းရင်းမြစ်များ

KADADIAN 29:11

Sia naudung Yakub tu Rahel, anna ma’urrukan tumangi’.

KADADIAN 29:13

Iatonna rangii Laban, kumua sae tu Yakub, anakna anak daranna, ma’dondo-dondomi umpessitammui, anna raka’i sia naudung nasolanni tama banuanna. Naulelean nasangmi Yakub lako Laban mintu’ apa dadi lako kalena.

KADADIAN 33:4

Ma’dondomi tu Esau sae umpellambi’i, natoei sia naraka’ tu barokona sia naudung anna sitangiran sola duai.

KADADIAN 42:6

Iatu Yusuf ma’parentamo dio tana iato, ia kalena duka umbalukan gandung lako to sae unnalli gandung. Susito sae dukami tu mintu’ siulu’na Yusuf anna tukku sae rokko padang dio olona.

KADADIAN 43:28

Mebalimi tu tau iato mai: Iatu kaunanmi ambe’ki malaga’-laga’ sia, sia tuopa. Unnundumi tu tau iato mai sia tukku rokko padang.

KADADIAN 45:15

Sia naudung Yusuf tu mintu’ siulu’na anna tumangi’; mangkato maneri umbuang kada lako, tu siulu’na.

2 SAMUEL 1:2

Iatonna allo ma’pentallun ta’kala saemi misa’ tau dio mai to’ surodadu nasolan Saul, serek-serekmo tu pakeanna sia ponno barra’-barra’ dao ulunna; tonna rampomo lako Daud, menombami tukku sae rokko padang.

2 SAMUEL 1:26

Belanna iko, e siulu’ku Yonatan, anna bonnong tu penaangku, tarru’ kukamali’ko; iatu kamamaseammi lako kaleku mandu kuangga’ na kamamasean baine.

2 SAMUEL 14:4

Iatonna mennolomo tu baine Tekoa lako datu, tukkumi rokko padang menomba anna ma’kada nakua: O puangku, tunduina’!

2 SAMUEL 19:39

Iatonna mangka nasangmo tu mintu’ tau ullambanni Yordan sia mangka dukamo lamban tu datu, naudungmi datu tu Barzilai sia napalakuan kamarendengan, anna mane sule lako tondokna.

2 SAMUEL 9:6

Saemi tu Mefiboset, anakna Yonatan, anakna Saul mennolo lako Daud, sia tukku rokko padang anna menomba. Nakuami Daud: E Mefiboset. Mebalimi nakua: Io, Puang.

1 DATU 1:16

Mengguntu’mi tu Batsyeba anna tukku menomba dio olona datu. Nakuami tu datu: apa mutungkanan?

1 DATU 1:23

Naparampomi tau lako datu nakua: Den nabi Natan inde. Saemi mennolo dio olona datu tukku sae rokko padang.

1 DATU 1:31

Mengguntu’mi tu Batsyeba anna tukku sae rokko padang sia menomba dio olona datu, anna ma’kada nakua: Namaupa’mora tu puangku datu Daud sae lakona!

PENGGAURANNA RASULU’ 20:37

Siunnumbu-umbumi tumangi’ tu tau, anna raka’i tu barokona Paulus sia naudung,

1 SAMUEL 10:1

Naalami Semuel tu misa’ gori-gori nanii minna’ busarungngu’, naboloanni langngan ulunna Saul, sia naudung, anna ma’kada nakua: Tang PUANG raka untokkoko la dadi arung mana’Na?

1 SAMUEL 18:3

Sibassemi Yonatan tu Daud, belanna nakamasei susi kalena.

1 SAMUEL 20:40

Nabenmi Yonatan tinde pia tu pa’bunona lako, anna ma’kada nakua: Malemoko, baai te pa’buno iate tama tondok.

1 SAMUEL 24:9

Mangkato ke’de’omi tu Daud nasun lan mai lo’ko’; metambami dio mai boko’na Saul, nakua: O puangku, o datungku! Messailemi tu Saul; menombami tu Daud anna tukku sae rokko padang.

1 SAMUEL 25:23

Iatonna tiromi Abigail tu Daud, salasami mengkalao dao mai keledainna anna menomba sia tukku sae rokko padang dio olona Daud,