1 SAMUEL 20:32 - Sura' Madatu

³² Apa mebali tu Yonatan lako Saul, ambe’na, nakua: Ma’apai anna la dipatei? Apara napogau’?

1 SAMUEL 20:32 ပူးပေါင်းရင်းမြစ်များ

KADADIAN 31:36

Re’dekmi ara’na Yakub anna sarabai tu Laban, nakua lako: Apara palendurangku sia kasalangku, ammi sengkera undi unnula’na’?

SARAMBU PEADA’ 22:24

Da musisangmane to sengkean sia da musikalute to arasan,

TOMANGADA’ 7:9

Da mumadomi’ umpatiludakki tu ara’mu, belanna iatu ara’na to baga, iamo inan saki inaa.

TOMANGADA’ 9:3

Inde sia tu apa tarru’ kadake tu mintu’na dadi lan naarrang matanna allo, iamotu pada tu dalle’ urrampoi sola nasang; iamoto iatu penaanna ma’rupa tau ponno kakadakean, sia kapusan lan penaanna lan mintu’ allo katuoanna; sia undinnato mintu’ tau ma’palulako inan tomate.

YEREMIA 17:9

Iatu penaa mandu patangnga’ na iatu mintu’ apa, sia pasanggang; mindara ma’din la untandai?

MATIUS 27:23

Apa nakua Pilatus: Kakadakean apara tu napogau’? Samandu-mandunnami tu tau metamba, nakua: Sipatu Ia dia’ta’!

LUKAS 23:22

Ma’pentallunna ma’kadami Pilatus lako tu tau, nakua: Kakadakean apara Napogau’? Tae’ bang kuappa’ tu la Naposalana tu sipatunna la dinii umpatei. Iamoto dadi la kubamba bangmo, kurampananNi!

YOHANES 7:51

Umpasalaraka tau tu Sukaran alukta, ke tae’pi nadirangi tu natuntunna, sia tae’pa nadiissan tu napogau’na?

1 SAMUEL 18:11

Naayakammi Saul tu dokena anna ma’tangnga’ lan penaanna: Melo ke kurokki tu Daud natipentana’ lako rinding. Apa napasala Daud tu pangrokna sae lako ma’penduanna.

1 SAMUEL 19:4

Napokada melomi Yonatan tu diona Daud lako Saul, ambe’na, nakua: Da mipogau’ kakadakean lako Daud, kaunanmi, belanna tang umpogau’ kadake lako puangku, sangadinna iatu napogau’na kapua gai’na lako puangku.

1 SAMUEL 19:5

Belanna tae’ nadampangi tu sunga’na tonna patei tu to Filistin sia Napaden PUANG tu kadilendokan kapua lako mintu’ to Israel. Mitiromo tu iannato ammi poparannui. Apa bannangna ammi la umpogau’ra kasalan lako rara tang sala sia la umpatei Daud natae’ silalanna?

1 SAMUEL 20:1

Ta’kala mallaimi tu Daud dio mai Nayot sikandappi’ Rama, sae umpellambi’i Yonatan, nakua: Apara tu kupogau’ sia apara tu kakelokangku sia apara tu kasalangku dio olona ambe’mu, anna la ungka’turi tu sunga’ku?

1 SAMUEL 20:7

Ianna kua siai datu melo, la marampa’ sia tu taummu, apa ianna mandu liu re’dek ara’na, tandaimi to kumua manassa la umpogau’mo kakadakean.

1 SAMUEL 22:14

Mebalimi Ahimelekh nakua: Mintu’i tu taunna puangku mindara tu manappa’ susi Daud? Iamo minintunna puangku sia naala sangbilangan to ma’kampana puangku sia mala’bi’ lan banuanna puangku.