1 SAMUEL 20:31 - Sura' Madatu

³¹ Belanna lan mintu’ allo katuoanna anakna Isai dao kuli’na padang, manassa iko sia katuoammu tang marendeng. Iamoto suai tau lao unnalai, anna baai lako kaleku, belanna manassa la dipatei.

1 SAMUEL 20:31 ပူးပေါင်းရင်းမြစ်များ

2 SAMUEL 12:5

Lendu’mi re’dekna ara’na Daud lako tau iato, anna ma’kada lako Natan, nakua: La lelukraka tuoNa PUANG, iatu to mangka umpogau’i to, la mate dipatei.

2 SAMUEL 19:28

Moi anna mintu’ rapunna ambe’ku ussangai, kumua to la napatei nasang puangku datu, natarima dukamo’ puangku tama bilanganna to kumande sola puangku. Apapara la kutuntun sia kupokada lako datu?

PA’PUDIAN 79:11

Melo kerampoi lako oloMi tu sarrona to dirampa, sia belanna kakapuanna kuasamMi rinding pala’i dikka’ tu mintu’ to dilampakmo la dipatei.

1 SAMUEL 19:6

Naperangiimi Saul tu kadanna Yonatan, anna umpalao sumpa, nakua: La lelukraka tuoNa PUANG, nala dipateira.

1 SAMUEL 20:30

Attu iato re’dekmi ara’na Saul lako Yonatan, anna ma’kada lako, nakua: E anak to tang massipa’ sia pabali-bali! Musangaraka tang kuissan kumua mupileimo tu anakna Isai, la umpakasiri’ko sia mupakasiri’ tu muninna sun dio indo’mu.

1 SAMUEL 20:8

Pa’petiroanni tu kamarurusammu lako taummu, belanna mangkamoki’ sibasse dio oloNa PUANG. Iake denni kakelokangku, iko bangmo umpateina’. Da’iomito musolanna’ lako ambe’mu.

1 SAMUEL 23:17

Nakuami lako: Da mumataku’ belanna iatu limanna Saul, ambe’ku, tae’ nala ullambi’ko sangadinna inang iko la undatui Israel na aku ma’penduan dio mai kalemu. Naissan melo ambe’ku Saul tu iannato.

1 SAMUEL 26:16

Tae’ liu namelo te penggaurammi te! La lelukraka tuoNa PUANG, kamu sola nasang tau la dipatei, belanna tae’ mikampai tu puangmi, tu mangka Natokko PUANG! Totemo malemokomi untiroi umbami tu dokena datu sia busso, tu dio to’ ulunna datu?