1 SAMUEL 20:30 - Sura' Madatu

³⁰ Attu iato re’dekmi ara’na Saul lako Yonatan, anna ma’kada lako, nakua: E anak to tang massipa’ sia pabali-bali! Musangaraka tang kuissan kumua mupileimo tu anakna Isai, la umpakasiri’ko sia mupakasiri’ tu muninna sun dio indo’mu.

1 SAMUEL 20:30 ပူးပေါင်းရင်းမြစ်များ

AYUB 5:2

Tonganna iatu kamapa’diran penaa umpamate to baga sia kapangimburuan umpamatei tu to tang paissan.

SARAMBU PEADA’ 14:29

Iatu to kalando pesuka’ maluangan tu tangnga’ kinaanna, apa iatu to madomi’ narampoi palla penaa iamo umpasipapa’ kabagan.

SARAMBU PEADA’ 15:2

Iatu lila to kinaa, umpaombo’ kapaissanan den gai’na, apa iatu pudukna to baga umbarrakan kabagan.

SARAMBU PEADA’ 19:12

Iatu kasengkeanna datu susito burrungna singa mangura, apa iatu kamasokananna susito ambun dio to’ riu.

SARAMBU PEADA’ 19:19

Iatu to arasan la umperasai pa’dik, iake la mutundui, la mupasalangngan-langnganna tu kasengkeanna.

SARAMBU PEADA’ 21:24

Iatu to rombo’ sia matampo, disanga to patelle-telle, iamotu to matampo liu penggauranna.

SARAMBU PEADA’ 25:28

Susi kota tuan rinding tembo’na, susi dukamoto tu misa’ to tang unnatta penaanna.

SARAMBU PEADA’ 27:3

Iatu batu magasa sia iatu karassik mabanda’, apa iatu saki inaa napabu’tu to baga mandu magasa na iatu apa sola duai.

MATIUS 5:22

Apa Aku Kukua mati’ kumua: minda-minda tae’ natore kasengkeanna lako siulu’na, la napakannai ukungan ada’; sia minda-minda tu ma’kada lako siulu’na kumua: E baga! La napakannai ukungan ada’ lompo; sia minda-minda tu kumua: E to bomboan? La nakanna ukungan tama api naraka.

EFESUS 4:31

Toyanganni dio mai kalemi tu mintu’ kamapallan, sia kamasakiarasan sia kasengkean sia salle kada sia kapa’palelebekoan sisola mintu’ kakadakean.

EFESUS 6:4

E mintu’ ambe’, da mipamasaki ara’ anakmi, sangadinna ada’i situru’ peada’ sia pa’pakilala lu dio mai Puang Matua.

1 SAMUEL 20:29

Nakua: Eloranna’ dikka’ male, belanna den pemala’ lan tondok napogau’ pa’rapuangki sia kakangku kalena umpasanna’, iamoto ke naala siana’ penaammi, eloranna’ angku male sitiro siulu’ku. Iamoto anna tae’ nama’dio ren lan te pa’maruasanna datu.

1 SAMUEL 20:31

Belanna lan mintu’ allo katuoanna anakna Isai dao kuli’na padang, manassa iko sia katuoammu tang marendeng. Iamoto suai tau lao unnalai, anna baai lako kaleku, belanna manassa la dipatei.