1 SAMUEL 20:3 - Sura' Madatu

³ Umpalaomi sumpa tu Daud nakua: Naissan tongan ambe’mu kumua muporai tonganna’. Iamoto nama’tangnga’ nakua: Tae’ nala dipaissanni Yonatan te iannate, da napomasussai. Apa la tilelukraka tuoNa PUANG sia tuomu, manassa sangpentengkanri alla’ku na kamatean.

1 SAMUEL 20:3 ပူးပေါင်းရင်းမြစ်များ

2 SAMUEL 15:21

Apa mebali tu Itai lako datu, nakua: La lelukraka tuoNa PUANG sia tuona puangku datu, umba-umba nanii tu puangku la tuo ba’tu la mate, inde dukato dio nanii sola taunna.

2 DATU 2:2

Ma’kadami tu Elia lako Elisa nakua: Torromoko inde te, belanna Nasuana’ PUANG male lako Betel. Apa mebali tu Elisa nakua: La lelukraka tuoNa PUANG sia tonganna susi tuomi, inang tae’ kula untampekomi. Malemi tu tau iato mai rokko Betel.

2 DATU 2:4

Ma’kadami tu Elia lako nakua: O Elisa, torromoko indete, belanna Nasuana’ PUANG lako Yerikho. Apa mebali nakua: La lelukraka tuoNa Puang sia tonganna susi tuomi, inang tae’ kula untampekomi. Nasusito rampomi tu tau iato mai lako Yerikho.

2 DATU 2:6

Ma’kadami tu Elia lako nakua: Torromoko inde te, belanna Nasuana’ PUANG lako Yordan. Apa mebali nakua: La lelukraka tuoNa PUANG sia tonganna susi tuomi, inang tae’ kula untampekomi. Nasusito tarru’mi male sola duai.

PA’PUDIAN 116:3

Naluang sambanna’ ulangna kamatean, sia Narampoimo’ parri’ lino to mate, kuperasaimo tu kamaparrisan sia karossoan.

YEREMIA 38:16

Membunimi tu datu Zedekia, umpalao sumpa lako Yeremia, nakua: La lelukraka tuoNa PUANG, tu mangka ungkombong penaanta, inang tae’ kula umpateikomi ba’tu ussorongkomi tama limanna tu to undaka’ lalan la umpateikomi.

YEREMIA 4:2

sia la umpalaoko sumpa mukua: La lelukraka tuoNa PUANG situang kamanapparan, katonganan sia kamaloloan, anna mintu’ bangsa sipalakuan kamasakkean sia massattuan tete dio sanganNa PUANG.

PA’TOLE 28:66

Iatu katuoammu naluang bang kasanggangan; iake bongi sia iake allo la tirambanko sia iatu katuoammu tang manassa.

PA’TOLE 6:13

Iatu PUANG, Kapenombammu, la mukataku’ sia la mupengkaolai sia la umpalaoko sumpa tete dio sanganNa.

IBRANI 6:16

Belanna iatu tolino umposumpa madoanna anna kalena, na sumpa iato untonganan kadanna, naurunganni umparampo randannai tu mintu’ kasisalan.

1 SAMUEL 1:26

Ma’kadami Hana nakua: La messimanna’, tuang, kukua: la lelukraka tuomi, nala lelukra kadangku tuang, kumua aku bangsiamote tu to bendan dolona sikandappi’ tuang, massambayang lako PUANG.

1 SAMUEL 17:55

Tonna tiromi Saul tu Daud ma’palulako to Filistin iato, ma’kadami tu datu lako Abner, pa’baraninna, nakua: E! Abner, mindara anak te pia muane iate? Mebalimi Abner: O puang, kumatemora ke la kutandai.

1 SAMUEL 20:2

Mebalimi tu Yonatan nakua: La mambela ia tu iannato, manassa tae’ mula dipatei. Iatu ambe’ku tae’ nabelai umpogau’ misa’ apa, la kapua, la bitti’, ke tang napokadanna’ dolo. Ma’apari nala umbunianra’ ambe’ku tu iannato? Tae’ nasusito.

1 SAMUEL 20:4

Nakuami Yonatan lako Daud: Iatu apa naala penaammu, manassa la kupogaurangko.

1 SAMUEL 25:26

Totemo, o puang, la tilelukraka tuoNa PUANG sia tuona puangku, manassa PUANG undampakomi tobang rokko kasalan umpatibollo rara sia untuntun kalena bang katonganammi. Nasusimora Nabal tu mintu’ ualimmi sia iatu mintu’ to undakarangkomi kadake.

1 SAMUEL 27:1

Undinnato ma’tangnga’mi Daud, nakua: Ba’tu umbami allo anna sanggangina’ Saul. Tae’ senga’na tu la kupomelo, sangadinna la malena’ umpentilindungan kaleku lako to Filistin; iake susito, manassa natoreimo Saul undaka’na’ lan mintu’ lili’na tana Israel sia tilendokmo’ dio mai limanna.