1 SAMUEL 20:26 - Sura' Madatu

²⁶ Iato allo iato tae’ bang apa napokada Saul, belanna nasanga: Umbai den sakkalanganna; tae’ namasero, manassa tae’ namasero.

1 SAMUEL 20:26 ပူးပေါင်းရင်းမြစ်များ

SURA’ KATOMINAAN 11:24

Iamote tu mipobannang maruttak; minda-minda ungkaka’i tu batang rabukna manassa la maruttak sae lako makaroen,

SURA’ KATOMINAAN 11:27

Iatu mintu’ olo’-olo’ a’pa’ lette’na tu umpopellese pala’ lette’na, iamo maruttak lako kalemi; minda-minda ungkaka’i tu batang rabukna, la maruttak sae lako makaroen.

SURA’ KATOMINAAN 11:31

Iatu iannate tu mintu’na olo’-olo’ pandiu la maruttak lako kalemi; minda-minda ungkaka’i, ke matemi, la maruttak sae lako makaroen.

SURA’ KATOMINAAN 11:40

Sia minda-minda ungkandei tu duku’na la umbusukki pakeanna, sia maruttak sae lako makaroen; la susi duka minda-minda unnangka’i tu batang rabukna la umbusukki pakeanna sia maruttak sae lako makaroen.

SURA’ KATOMINAAN 15:5

Minda-minda ungkakai’ tu inan mamma’na, la umbusukki pakeanna sia la mendio’, anna maruttak sae lako makaroen.

KADIBILANGAN 19:16

Minda-minda duka la ungkaka’ to mate nakande pa’dang dio lu padang, ba’tu batang rabukna tau, ba’tu bukunna misa’ tau, ba’tu panglamunan, la maruttak pitung allo.

1 SAMUEL 16:5

Mebalimi nakua: Melo sia! Iatu kasaeangku te la memala’ lako PUANG. Seroimi tu kalemi anta male sola memala’. Napamaseromi tu Isai sola tu mintu’ anakna muane, natambai memala’ sola.

1 SAMUEL 20:27

Iatonna masiang, iamo allo ma’penduanna bulan, tonna lo’bangomo tu inanna Daud, ma’kadami Saul lako Yonatan, anakna, nakua: Apara bannangna natae’ra nasae tama pa’maruasan tu anakna Isai, sangmai’ sia allo iate?