1 SAMUEL 20:14 - Sura' Madatu

¹⁴ Ke tuo siapa’ attu iato, tang la ikoraka umpa’petiroanni lako kaleku tu kamarurusan muallu’ dio oloNa PUANG, dikua da angku mate dipongko?

1 SAMUEL 20:14 ပူးပေါင်းရင်းမြစ်များ

KADADIAN 40:14

Apa kilalai siana’, ke torro melomokomi, katuru-turuina’ sia pokada melona’ lako Firaun, ammi patassu’na’ lan mai te banua pa’pattangan.

2 SAMUEL 9:1

Ma’kadami tu Daud nakua: Denparaka torro tu bati’na Saul, angku pogau’ kamasokanan lako kalena belanna Yonatan?

2 SAMUEL 9:3

Nakuami datu: Denparaka torro tu bati’na Saul, angku pogau’ kamaturu-turuanNa Kapenomban lako kalena? Ma’kadami tu Ziba lako datu, nakua: Denpa misa’ muane, anakna Yonatan, tu kupi’ patomali.

1 SAMUEL 20:13

Nasanggangmira PUANG tu Yonatan sia la Narangngannipa, ianna pamanassami ambe’ku la ungkadakeiko, manassa la kupokadan buniko, angku rampanangko male, ammu ke’de’ marampa’. Na PUANGmora urrondongko susi tonna rondong ambe’ku dolona.

1 SAMUEL 20:15

Da duka mupasikalangkai kamarurusammu tu bati’ku, moi anna attu ia dukato, ke Namangsanni PUANG tu mintu’ ualinna Daud lan mai te lino.

1 SAMUEL 20:23

Iatu apa mangka tasibassei sola duaki’, manassa PUANG tu lan alla’ta tontong sae lakona.

1 SAMUEL 24:21

Tonganna kuissanmo kumua inang la dadiko datu undinna sia iatu kadatuan lako to Israel la manda’ mutoe.