1 SAMUEL 20:13 - Sura' Madatu

¹³ Nasanggangmira PUANG tu Yonatan sia la Narangngannipa, ianna pamanassami ambe’ku la ungkadakeiko, manassa la kupokadan buniko, angku rampanangko male, ammu ke’de’ marampa’. Na PUANGmora urrondongko susi tonna rondong ambe’ku dolona.

1 SAMUEL 20:13 ပူးပေါင်းရင်းမြစ်များ

2 SAMUEL 19:13

Sia lako Amasa la mikua susite: Tang sangrara sangbukuraki’ka? Nasanggangimora’ Puang Matua sia la Narangnganni pole’pa, ke tae’i na iko dadi kamandang lompo dio oloku tontong sae lakona la ussonda Yoab.

2 SAMUEL 3:35

Mangkato saemi tu to buda umpalakui lako Daud la kumande tonna masiang siapa, apa umpalao sumpa tu Daud anna ma’kada: Nasanggangimora’ Puang Matua sia la Narangnganni pole’pa, ke la ullepa’na’ roti ba’tu apa-apa senga’, ke tae’pi nalambun allo.

2 SAMUEL 7:15

Apa iatu kamakarimmanangKu tae’ nala sorong boko’ dio mai kalena, susitu mangkamo Kupasorong boko’ dio mai Saul, tu Kupatoyangmo dio mai tingayomu.

1 DATU 1:37

Susi kaNarondonganna PUANG tu puangku datu dolona, la susi dukato tu Salomo la Narondong sia la Napatarompo’ tu isungan kapayunganna ondong na iatu isungan kapayunganna puangku datu Daud.

1 DATU 19:2

nasuami Izebel tu misa’ tau umpokadanni Elia, kumua: nasanggangimira mintu’ deata sia la narangnganni pole’pa, ke tae’i namasiang attu susi duka te, angku pasusii sunga’na ke simisa’i tau iato mai tu sunga’mu.

1 DATU 20:10

Mesua pole’mi tu Benhadad lako nakua: Nasanggangimora’ mintu’ deata sia la narangnganni pole’pa, ke la susinna iatu batu manisak dio Samaria sandai sisangraku’ tu mintu’ surodadu tu undi unturu’na’.

1 OSSORANNA DATU 22:11

Ianna susito, na PUANGmora la urrondongko, ammu maupa’ umpabendan banuanNa PUANG, Kapenombammu, susitu mangka Napokada diona kalemu.

1 OSSORANNA DATU 22:16

iamotu mai pareanan bulaan, salaka, tambaga sia bassi. La muparandukmo mukarang! Na PUANGmora urrondongko.

MATIUS 28:20

sia miada’i susitu mintu’na Kupa’peannan lako kalemi; la miissan kumua: Aku te la tontongNa’ ussisolangkomi sae lako katappuranna lino.

FILIPI 4:9

Apa-apa tu mipelada’i sia mitarima sia mirangi sia mitiro dio kaleku, iamoto tu la mipogau’; anna Puang Matua, tu oto’na kamarampasan, la urrondongkomi.

YOSUA 1:5

Moi misa’ tau tae’ la unnattai bendan dio olomu lan mintu’ allo katuoammu, susi dolona Kurondong tu Musa, susi dukato Aku la urrondongko; tae’ Kula ussa’biangangko sia tae’ angKu la untampe lenko.

RUT 1:17

Umba-umba minii mate, ia duka la kunii mate sia inde to dio la dinii ullamunna’. Nasanggangimora’ Puang Matua sia Narangnganni pole’pa, ke tang kamatean mannari tu la umpasisarakki’.

1 SAMUEL 10:7

Iake sae nasangmi te tanda iate lako kalemu, pogau’mi tu ma’dinna mupogau’, belanna Puang Matua urrondongko.

1 SAMUEL 14:47

Iatonna manda’ untoe kadatuan tu Saul dio to Israel, narariimi tu mintu’ ualinna tiku lao: Iamotu to Moab, sia to Amon, sia to Edom, sia mintu’ datu to Zoba sia to Filistin. Sia umba-umba tu nanii male parari, inde dukato nanii unnappa’ kapataloan.

1 SAMUEL 17:37

Sia nakuapa Daud: Iatu PUANG, tu urrampananna’ dio mai kanuku singa sia dio mai kanuku beruang, Ia duka la urrampananna’ dio mai limanna to Filistin iatu. Ma’kadami Saul lako Daud: Malemoko, na PUANGmora urrondongko.

1 SAMUEL 18:12

Nakataku’mi Saul tu Daud, belanna Narondong ia PUANG, natoyangmo tu Puang dio mai Saul.

1 SAMUEL 19:3

Kutassu’mora, angku bendan dio sa’dena ambe’ku dio padang, tu muninna, angku sipa’kada-kadamora ambe’ku diona a’gammu, la untiroi tumbai tu apa dadi, angku pokadangko.

1 SAMUEL 20:12

Nakuami Yonatan lako Daud: Umpalaona’ sumpa tete dio sanganNa PUANG, Kapenombanna to Israel, manassa la kupekutanan lako ambe’ku masiang ba’tu duangbongi agi-agi attu susite; ianna pomelonai Daud, tang la ussua bunira’ka tau sae umparampoangko tu iannato?

1 SAMUEL 20:14

Ke tuo siapa’ attu iato, tang la ikoraka umpa’petiroanni lako kaleku tu kamarurusan muallu’ dio oloNa PUANG, dikua da angku mate dipongko?

1 SAMUEL 25:22

Nasanggangmira Puang Matua tu ualinna Daud sia la Narangngannipa, ke masiangi melambi’ angku patuopi moi misa’ duka muane tu mintu’ muane sia patuoan laki dio kalena.

1 SAMUEL 3:17

Nakuami Eli: Kada apara tu Napokadangko. Da mubunianna’. La Nasanggangiko Puang Matua, sia la Narangngannipa, ke denni mubunianna’ moi sangbuku tu mintu’ kada Napokadangko.