1 SAMUEL 20:10 - Sura' Madatu

¹⁰ Nakuami Daud lako Yonatan: Mindara la sae umparampoanna’ ke nakada layukkimoko ambe’mu?

1 SAMUEL 20:10 ပူးပေါင်းရင်းမြစ်များ

KADADIAN 42:30

Iatu puang ma’parenta lan tondok iato makarra’ tu kadanna lako kami, nasangakanni to lao usserre’i tondok.

KADADIAN 42:7

Iatonna tiroi Yusuf tu mai siulu’na natandaimi, apa naangga’i tang untandai, nasarabai lako nakua: Bu’tu lu umbakomi nii? Mebalimi nakua: Lu diokan mai tana Kanaan, sae la unnalli kande.

1 DATU 12:13

Mebali makarra’mi tu datu lako to buda, belanna natumpu tu pa’timbangan tu napokada to matua-tua lako kalena,

SARAMBU PEADA’ 18:23

Ma’kada mengkamoya-moya tu to bongko, apa iatu to sugi’ mebali to’do’.

1 SAMUEL 20:11

Nakuami Yonatan lako Daud: Maiko tatassu’ lako padang. Malemi sola duai lako padang.

1 SAMUEL 20:9

Nakuami Yonatan: Tae’ nala urrampoiko tu iannato! Apa iangku issan tonganni, kumua iatu ambe’ku manassa la umpogau’ kadake lako kalemu, ma’apai angku tang la umparampoangko?

1 SAMUEL 25:10

Nabalimi Nabal tu mintu’ taunna Daud, nakua: Minda toda ia tu Daud sia minda toda tu anakna Isai? Totemo budamo tau, pada male umboko’i puangna.

1 SAMUEL 25:14

Apa misa’i tu kaunan iato umpokadai tu apa iato lako Abigail, bainena Nabal, nakua: Iatu Daud ussua tau dio mai padang pangallaran umparampo salama’ lako puangki, apa nabali to’do’ puangki tu tau iato mai.

1 SAMUEL 25:17

Totemo la miissan sia la mitimbang melo tu apa sipatu la mipogau’, belanna dipamanassamo tu kasanggangan lako puangki sia lako mintu’ to lan banuanna. Tonganna iamo misa’ to kadake, tu tang diissan disipa’kadan.