1 SAMUEL 2:9 - Sura' Madatu

⁹ Ia ungkaritutui tu lentekna mintu’ pa’kaboro’Na, apa mintu’ to tang mekaaluk la sabu’ lan kamalillinan, belanna tae’ natete dio kamatotoranna tu misa’ muane pasau’.

1 SAMUEL 2:9 ပူးပေါင်းရင်းမြစ်များ

AYUB 18:18

La di suale dio mai to’ maserona tama to’ malillinna sia diula’i dio mai to’ naninna tau.

AYUB 40:13

Iatu bukunna susito suling tambaga, iatu lesokanna susito batang bassi.

AYUB 5:16

Iake susito den kapa’rannuananna to bitti’ sia kakadakean untutu’ pudukna.

AYUB 5:24

La untiroko kamarampasanna tendamu, sia iake mutiroi tu tarampakmu, moi misa’ apa tae’ pa’de.

PA’PUDIAN 1:6

Belanna Natandai PUANG tu lalanna to malambu’, apa iatu lalanna to tang mekaaluk ma’palulako kasanggangan.

PA’PUDIAN 105:37

AnNa solanni sun tu to Israel umpokinallo salaka sia bulaan, sia dio lu sukunna tae’i misa’ tau titodo len.

PA’PUDIAN 121:3

Tang Naeloran Puang lentekmu la tilende’, sia tae’ Natikkaru’du’ tu To pasareongammu,

PA’PUDIAN 121:5

PUANGmo tu To pasareongammu, sia Puang duka tu dio kananmu unnonganniko.

PA’PUDIAN 121:8

PUANG la urrinding pala’ko lan torro ke’de’mu, randuk totemo landa’ sae lakona.

PA’PUDIAN 145:20

Iatu PUANG urrinding pala’ mintu’ to ungkamali’I, apa Nasabu’i tu mintu’ to tang mekaaluk.

PA’PUDIAN 31:17

Melo ke Mipaarrangi rupamMi tu taumMi, sia lendokanna’ tete dio kamasokanamMi.

PA’PUDIAN 37:28

Belanna iatu PUANG ungkabarii katonganan, sia tae’ Natampei tu to Naala mase, tau iato mai makarimman sae lakona, apa iatu bati’na to tang mekaaluk la diroto’i.

PA’PUDIAN 94:18

Iatongku kua: La tilende’ tu lentekku. – Nasande’na’ kamasokanamMi, o PUANG.

PA’PUDIAN 97:10

E kamu, mintu’ to ungkamali’ PUANG, la mikabiri’ tu kakadakean. Iamo urrinding pala’ deatanna mintu’ to masallo’Na. Sia urrampananni lan mai lisu pala’na to tang mekaaluk.

SARAMBU PEADA’ 16:9

Iatu penaanna tolino untangnga’-tangnga’ lalanna, apa PUANG unnato’i tu tengkana.

SARAMBU PEADA’ 2:8

Ia ungkampai tu mintu’ lalan katonganan sia urrinding pala’ lalanna to Nakamasei.

SARAMBU PEADA’ 3:26

Belanna PUANG tu la muposande’, sia Iamo la ungkampai tu lette’mu da naalai poya.

TOMANGADA’ 5:17

Manassa inde sia tu kutiro melo, iamotu sipatu, ke kumandei sia mangiru’i tu tau sia umperasai melona diona mintu’na ra’ta’na tu nanii mara’ta’ lan naarrang matanna allo, lan sangattu’ allo katuoanna, tu Nakamaseanni Puang Matua, belanna iamoto tu taana.

TOMANGADA’ 9:11

Kutiro pole’omi lan naarrang matanna allo, kumua iatu polean disilombai tangia tomalinta’ tongan unnalai, sia iatu kapataloan lan kasirarian tangia to matoto’ tongan unnalai, sia iatu kande tangia tokinaa unnalai, sia iatu kasugiran tangia tomanarang unnalai, sia iatu pa’kamase tangia tounnampui tangnga’ kinaa unnalai, belanna attu sia upa’ urrampoi sola nasangi.

YESAYA 27:3

Akumo PUANG, tu pakaduttu’na, la ussakka’i nenne’i; la Kupetayanni keallo kebongi, da narumbu lenni kakadakean lako.

YESAYA 47:5

Kappako ma’dokko, tamako inan mapattang, e anak dara Kasdim, belanna tae’mo nala unggente’ko tau datu baine undatui mintu’ kadatuan.

YEREMIA 8:14

Ma’apai anta la unno’ko’ indete? Sirampunkomi, maikomi tatama tondok ma’tambakuku, moi tadio lu, inang la sanggang dukaki’, belanna Nasorongmoki’ PUANG, Kapenombanta, lako kasanggangan sia Napairu’moki’ rasun, belanna kasalanmoki’ lako PUANG.

YEREMIA 9:23

Inde sia tu kadanNa PUANG: Iatu to maluangan ba’tengna, da nasattuanni tu kamaluanganna sia iatu to matoto’ da nasattuanni tu kamatotoranna sia iatu to sugi’ da nasattuanni tu kasugiranna,

NAHUM 1:8

Apa tete dio uai saba’ Nasabu’i Puang tu inanna, sia Naula’i tu ualinNa tama kapittukan.

ZEFANYA 1:15

Allo iato iamo misa’ allo kare’dekan ara’, misa’ allo kapussakan sia kamatakuran, misa’ allo kasanggangan sia kasaburan, misa’ allo kapittukan sia kamalillinan, misa’ allo nakabu’ salebu’ sia lillinan parrak;

ZAKHARIA 4:6

Ma’kadami lako kaleku nakua: Inde sia tu kadanNa PUANG lako Zerubabel Nakua: Tangia tete dio kamatotoran sia tangia tete dio kamasa’garan, sangadinna tete dio PenaangKu, kadanNa PUANGna mintu’ ma’dandan maritik.

KADIBILANGAN 6:24

Na PUANGmora umpamasakkekomi sia ungkatirinnaikomi;

MATIUS 8:12

apa iatu to dianak lan Parenta iato la dipembuangan tama malillinna dio salian, diomo la nanii katumangiran sia kasisangeran isi.

ROMA 3:19

Apa taissan kumua samami dipokada lan Sukaran aluk, iamoto tu dipokadan to mengkanorong lako Sukaran aluk, dikua anna titutu’ nasang pudukna sia mintu’ issinna lino sipatu Napakannai ukungan Puang Matua.

PA’TOLE 33:3

Tonganna Nakamasei tu mai bangsa iato; mintu’ to maserona – lan nasang limamMi, matindo dio to’ lentekMi sia untarima pirang-pirang buku kadamMi.

1 PETRUS 1:5

tu Narinding pala’ kuasanNa Puang Matua tete dio kapatonganan lu lako kamakarimmanan tu diparandan la dipasombo, ke attu ma’katampakanna.

2 PETRUS 2:17

Tau iate mai susi kalimbuang marangke sia salebu’ nairi’ talimpuru’, tiparandanmo tu kapi’tukan lako kalena.

YUDAS 1:1

Sura’ iate lu dio mai Yudas, taunNa Yesu Kristus sia siulu’na Yakobus, diparampo lako mintu’ to ditambai tu naluang pa’kaboro’Na Puang Matua Ambe’ sia kadikarimmanan dio mai Yesu Kristus.

YUDAS 1:13

susi bombang kapua lan tasik umpemburrusan kalena siri’na; susi bintoen tilele-lele; tau iato mai tiparandanmo kamapattangan lako kalena tontong sae lakona.

YUDAS 1:3

E mintu’ pa’kaboro’ku, iatongku pengkullei tongan-tonganni massura’ lako kalemi diona kamakarimmananta sola, nasangami lan penaangku la massura’na’ umpakilalakomi, ammi pengkullei umpangeai tu kapatonganan dipissanni disorong lako mintu’ to masallo’.

1 SAMUEL 25:26

Totemo, o puang, la tilelukraka tuoNa PUANG sia tuona puangku, manassa PUANG undampakomi tobang rokko kasalan umpatibollo rara sia untuntun kalena bang katonganammi. Nasusimora Nabal tu mintu’ ualimmi sia iatu mintu’ to undakarangkomi kadake.