1 SAMUEL 2:7 - Sura' Madatu

⁷ PUANG tu ma’pabongko sia ma’pasugi’. Puang tu ma’pamadiongan sia Ia duka tu ma’pamatande.

1 SAMUEL 2:7 ပူးပေါင်းရင်းမြစ်များ

2 DATU 9:6

Bendanmi namale tama banua. Nabolloimi minna’ tu ulunna, nama’kada lako nakua: Inde sia tu kadanNa PUANG, Kapenombanna to Israel: La Kutokkoko dadi datunna taunNa PUANG, iamotu mai to Israel.

1 OSSORANNA DATU 29:12

Belanna iatu kasugiran sia iatu kamala’biran bu’tu dio mai Kalemi, sia Kamumo umparentai tu mintu’na sia lan limamMi tu kamatotoran sia kamawatangan, sia Kamuri unnampui kuasa la umpatarompo’ sia umpamatoto’ mintu’ tau.

2 OSSORANNA DATU 32:27

Iatu Hizkia sugi’ lallang sia mala’bi’ tongan; nagaragammi kalena tu ba’tu pira-pira bilik pangnannan la dipannii salaka, bulaan, parimata mellong, pebangki’, balulang sia ma’rupa-rupa pareanan keangga’,

2 OSSORANNA DATU 32:29

Nabangunni tu ba’tu pira-pira kota ditambakuku sia napopemba’ka’ kalle-kallean tu domba sola bembe’ sia sapi, belanna Nakamasei Puang Matua ianan makamban.

AYUB 1:21

Ma’kale-kalena’ tassu’ lan mai pa’tambukanna indo’ku, la ma’kale-kale dukana’ sule lako. PUANG mangka umpa’benganni, PUANG mangka unnalai sule sanganNa PUANG la dipudi.

AYUB 40:12

Nae’te’ tu ikko’na susito kayu arasi’, iatu ura’ pupunna susito ulang dipasiulang.

AYUB 5:11

Umpamatande to madiongan, anna iatu to rosso penaanna unnappa’ pa’tunduan matoto’.

PA’PUDIAN 102:10

Belanna ungkandena’ au butung bo’bo’, sia kuto’bo’ uai mata tu kuiru’na,

PA’PUDIAN 75:7

Belanna tang lu dio mai matallo, tang lu dio mai matampu’, ba’tu lu lo’ mai padang aak nanii bu’tu kama’pakalayukan.

PA’PUDIAN 75:8

Sangadinna Puang Matuari tu ma’paolai salu, Iamo la umpasosso’ lu rokkoi tu misa’, anna pakendek lu langnganni tu misa’.

SARAMBU PEADA’ 22:2

Iatuto sugi’ sia tobongko pada-padai sitiro; iatu Totumampana sola nasangi, iamotu PUANG.

YESAYA 2:12

Belanna mangkamo Napamanassa PUANGna mintu’ ma’dandan maritik tu allo la urrampoi mintu’ to umpamadao penaanna sia to matampo sia mintu’ to ussattuan kalena, kumua anna dipampa lu rokko.

YEREMIA 49:15

Belanna tonganna la Kupabitti’ko dio lu mintu’ bangsa sia matuna dio mintu’ tolino.

YEHEZKIEL 17:24

Anna mintu’ kayu dio padang la untandai kumua Akumo, tu PUANG, umpamadiongan kayu matande sia umpamatande kayu mengkadiongan, umpamarangke kayu maluna sia umpopentaruk kayu marangke. Akumo, tu PUANG, tu mangka umpokadai to, sia Akumo tu la umpogau’i.

YAKOBUS 4:10

Sipatukomi la umpamadiong kalemi dio oloNa Puang, na Ia la umpamalangka’komi.