1 SAMUEL 2:36 - Sura' Madatu

³⁶ La dadi undinna kumua minda-minda tu torronapa lan banuammu, la sae anna tukku menomba lako kalena umpalaku doi’ sangbatu salaka ba’tu roti sangbatu, anna ma’kada nakua: Popengkarangna’ dikka’ lan misa’ pengkarangan katominaan, angku ma’din ungkande roti sangsuakan.

1 SAMUEL 2:36 ပူးပေါင်းရင်းမြစ်များ

1 DATU 2:27

Natassu’imi Salomo tu Abyatar, kumua damo anna dadi to minaanNa PUANG; susimoto nanii umpalanda’i tu kadanNa PUANG, tu Napokada dolomo Puang diona bati’na Eli dio Silo.

2 DATU 23:9

Apa iatu mintu’ to minaa inan madao tae’ nadieloran kendek langngan inan pemalaranNa PUANG dio Yerusalem, apa ma’din ungkande roti tang diragii dio lu mintu’ siulu’na.

SARAMBU PEADA’ 14:19

Iatu tokadake la tukku menomba dio olona tomelo penaa, sia iatu to tang mekaaluk la tukku dio to’ babanganna to malambu’.

MALEAKHI 1:13

Sia ma’kadakomi mikua: Tiromi, lendu’ ia tu sara’! Mipessa’da-sa’dai, kadanNa PUANGna mintu’ ma’dandan maritik; mipennoloan tu apa dirampa, apa sondo’, sia apa masaki. Iammi pennoloanni tu pemala’ susito, la nakalo’raka penaangKu untarimai diong mai limammi? kadanNa PUANG.

TO PARENGNGE’ 17:10

Ma’kadami tu Mikha lako nakua: Tatorro bangmo sola, angku poambe’komi sia angku potominaakomi; angku benkomi sangpulo sikele’ salaka sia sangpasang pakean ke sangtaunoi sia la kupakandekomi.

1 SAMUEL 2:35

La Kupadenan Kaleku tu misa’ to minaa manappa’ sia iamo la umpogau’i tu apa lan penaangKu sia lan tangnga’Ku; Aku la umpabendananni misa’ banua matontongan sia tontong la lolang dio olona to Kutokko.

1 SAMUEL 3:1

Iatu Samuel tomangura iato umpogau’ toena lako PUANG napatudu Eli. Attu iato masagalamo tu kadanNa PUANG sia tae’mo dipaombo’ tu patiro mendeata.