1 SAMUEL 2:33 - Sura' Madatu

³³ Iake denpi dio mai bati’mu tu tae’ Kusabu’i dio to’ inan pemalarangKu, iamo la umpamaru’gun matammu sia umpabuyu’ penaanmu sia mintu’ tu to umpopemba’ka’ bati’mu la mate malolle’.

1 SAMUEL 2:33 ပူးပေါင်းရင်းမြစ်များ

1 DATU 1:19

Untunu sapi buda sia patuoan malompo sia domba anna tambai tu mintu’ anakna datu sia to minaa Abyatar sia Yoab, kamandang lompo, apa iatu Salomo, taummi, tae’ natambai.

1 DATU 1:7

Samaturu’mi Yoab, anakna Zeruya, sia to minaa Abyatar; iamo sola duai untundui sia unturu’ Adonia.

SURA’ KATOMINAAN 26:16

iamoto la Kupogau’ dukamo susito lako kalemi sia la Kuparampoimokomi te katirambanan iate, iamotu saki rangke sia lalla’ tu umpamalo’ko’ mata sia umpalangga’ sumanga’; attu iato tae’ gai’mi unnambo’ bannemi, belanna la pura nakande ualimmi.

1 SAMUEL 2:32

Launtiroko kamaparrisan dio banuangKu moi anNa padenanni Puang ma’rupa-rupa karongkosan tu to Israel, sia iatu mai to matua la tae’ lan banuammu sae lakona.

1 SAMUEL 2:34

Iamote tu la dadi tanda lako kalemu, iamotu la urrampoi anakmu sola duai, Hofni na Pinehas: la sangallori mate sola duai.

1 SAMUEL 22:18

Nakuami datu lako Doëg: Iamo, rokki tu mintu’ to minaa iato. Malemi lako tu Doëg, to Edom, narokki tu mintu’ to minaa, napatei to allo iato tu muane karuapulona llima tu ma’bayu lamba’ mabusa.