1 SAMUEL 2:30 - Sura' Madatu

³⁰ Iamoto Nama’kada tu PUANG, Kapenombanna to Israel. Nakua: Iatu kadangKu dolona masero, kumua iatu bati’mu sia bati’na ambe’mu la lolang dio oloKu sae lakona, apa totemo Nakua kadanNa PUANG: Mambelamo tu iannato dio mai Kaleku, belanna minda-minda umpakala’bi’Na’, la Kupakala’bi’ duka, apa minda-minda tu ussayuNa’, la dipamatuna.

1 SAMUEL 2:30 ပူးပေါင်းရင်းမြစ်များ

1 DATU 11:11

Iamoto anna ma’kada tu PUANG lako Salomo, Nakua: Belanna susimote tu kedomu, tae’ ammu karitutui tu basseKu sia iatu apa Kupondok, tu mangka Kupepasanan lako kalemu, manassa iatu kadatuan la Kualai dio mai kalemu, angKu benni taummu.

1 DATU 2:27

Natassu’imi Salomo tu Abyatar, kumua damo anna dadi to minaanNa PUANG; susimoto nanii umpalanda’i tu kadanNa PUANG, tu Napokada dolomo Puang diona bati’na Eli dio Silo.

1 OSSORANNA DATU 17:18

Apapara la napengkamoyan Daud lako Kalemi la umpalaku kamala’biran tu losong na iatu Mikamaseammo taumMi? Belanna Mitandai kalenamo te taumMi.

2 OSSORANNA DATU 15:2

Malemi umpessitammui Asa, nama’kada lako nakua: Perangiina’, e Asa, sia mintu’ to Yehuda sia to Benyamin. Narondongkomi PUANG, ke mengkara’pakomi lako Kalena; iake midaka’I, manassa la miappa’; apa iake miboko’i, manassa la Naboko’i dukakomi.

2 OSSORANNA DATU 26:18

Natingoimi tu datu Uzia sia ma’kada lako nakua: E Uzia, tang sipatukomi la untunuan dupa PUANG, sangadinna to minaapi, bati’na Harun, tu mangka dipamasero la untunu dupa. Tassu’komi lan mai inan maindan, belanna tang maruru’komi sia iatu apa iato tae’ mipomala’bi’i dio oloNa PUANG Kapenomban.

PA’PUDIAN 18:20

Nasolammo’ sun lako inan malona’, sia Narampananna’, belanna Napopaimanna’.

PA’PUDIAN 18:26

Lako to maruru’ Mikaruru’i duka, sia lako to tae’ sayuanna, Mipemaloloan penaa,

PA’PUDIAN 50:23

Minda-minda tu umpennoloan pa’kurre sumanga’, iamo umpakala’bi’Na’, sia iatu to malolo lalanna, la Kupakitan kasalamaran lu dio mai Puang Matua.

PA’PUDIAN 73:20

Sitinti to tindo ta’pa tang dikilalai, ke pana’dingmiki’, ten dukamoto, o Puang, Mipaboko’i penaa tu rupanna tau iato mai, ke pana’dingKomi.

PA’PUDIAN 91:14

Belanna la’ka’ tongan lako Kaleku, iamoto angKu la urrampananni, sia belanna natandai tu sangangKu, iamoto angKu la urrinding pala’i.

PA’PUDIAN 91:15

Ianna meongli’ ussa’bu’na’, la Kubalii; sia la Kurondong lan mintu’ kamandasanna, la Kurampanan sia la Kupamala’bi’.

KATASSURAN 28:43

Manassa la napake Harun to sola mintu’ tu mai anakna, ke tamai tenda kasitammuan, ba’tu iake mennoloi lako to’ inan pemalaran la menomba lan inan maindan, da naruai kasalan, anna mate. Iamote tu dadi misa’ atoran matontongan lako kalena sia lako bati’na.

KATASSURAN 29:9

La mupatambeke’i pepori aak tu aakna tau iato mai, iamotu Harun sia mintu’ tu anakna, sia passapui tu ulunna, naiatu katominaan dadi misa’ atoran matontongan dio kalena; la susimo kamutokkoanna to tu Harun sola mintu’ anakna.

SARAMBU PEADA’ 12:8

Iatu tau dipangke’ sitinaya tangnga’ kinaanna, apa iatu to leko’ penaanna la dipamatuna.

SARAMBU PEADA’ 4:8

Pamatandei, anna ia umpalayukko, ia la umpamala’bi’ko, ke muraka’i.

SARAMBU PEADA’ 8:17

Kukamali’ tu to ungkamali’na’, naminda-minda tu birisan, undaka’na’ manassa la naapparanna’.

YESAYA 29:13

Sia susipate tu kadanNa Puang, nakua: Iate bangsa iate dio bangri pudukna umpengkareke’iNa’ sia dio bangri lilana umpakala’bi’Na’, apa iatu penaanna mambela dio mai Kaleku; iatu a’ganna ungkasiri’Na’, pepasan tolino bangri.

YEREMIA 29:32

iamoto nakua kadanNa PUANG: Tonganna la Kuukung tu Semaya to Nehelam sia mintu’ bati’na; dio mai mintu’ bati’na moi misa’ tau tae’ la torro dio lu bangsa iate sia ia kalena tae’ nala untiroi tu kameloan, tu Kuparampo lako taungKu, kadanNa PUANG, belanna naada’i tu tau pabali-bali lako PUANG.

YEREMIA 49:15

Belanna tonganna la Kupabitti’ko dio lu mintu’ bangsa sia matuna dio mintu’ tolino.

YEHEZKIEL 34:10

Inde sia tu kadanNa Puangta PUANG, Nakua: Manassa la Kulaoi tu to mangkambi’ iato! La Kutuntun tu mai dombaKu dio mai limanna, sia la Kupasoro’ mangkambi’. Iatu to mangkambi’ tae’mo anna ungkambi’ kalena, sia la Kurampanan tu dombaKu lan mai sadangna, naurunganni tae’mo napokandei tau iato mai.

DANIEL 4:34

Apa iatonna lendu’ nasangmo tu attu iato, mentingaramo’ langngan langi’ tu aku, Nebukadnezar, tibalikmi sule tama kaleku tu tangnga’ kinaangku, iamoto kupudimi tu Puang Patodoranna sia kupakala’bi’mo sia kupangke’mo tu Puang Tuo sae lakona, belanna iatu parentaNa misa’ parenta matontongan sia iatu kadatuanNa tontong siosso’.

MALEAKHI 1:6

Iatu pia muane ungkasiri’ ambe’na, sia misa’ kaunan ungkasiri’ puangna. Iate Aku te, ke misa’Na’ Ambe’, umbanii tu pa’pakaraya lako Kaleku? Sia iate Aku te ke misa’Na’ Puang, umbanii tu kamatakuran lako Kaleku? kadanNa PUANGna mintu’ ma’dandan maritik lako kalemi, e mintu’ to minaa, tu umpamatuna sangangKu. Moi susito, ma’kadakomi mikua: Apara kipotete umpamatuna sangamMi?

MALEAKHI 2:3

Tonganna, la Kupa’peissanan tu tampak ropu lako bati’mi, sia tai la Kutampolakanni tu lindomi, iamotu tai pa’gaurammi, ondongpi la nariu’ sembangkomi tau inde to lako.

KADIBILANGAN 11:20

sangadinna la sipeupu’ sangbulan, naurungan tassu’ lan mai illongmi, ammi bossa ungkandei. Belanna mipamatuna tu PUANG, tu misisolan sia sumarrokomi dio oloNa, mikua: Ma’apai angki tassu’ lan mai Mesir?

KADIBILANGAN 35:34

Iamoto da mipamarutakki tu tondok, minii torro, tu Kunii ma’tondok lan, belanna Akumo, tu PUANG, ma’tondok dio lu to Israel.

YOHANES 12:26

Iake den tau mengkaola lako Kaleku, la undi urrundu’Na’, sia iatu inan Kunii, inde dukamoto la nanii tu taungKu. Iake den tau mengkaola lako Kaleku, iamo Napamala’bi’ Ambe’.

YOHANES 5:23

kumua anna mintu’ tau umpangke’I tu Anak susitu kaumpangkeranna Ambe’. Minda-minda tang umpangke’I tu Anak, tae’ duka napangke’I tu Ambe’ ussuaI.

YOHANES 5:44

Umba la mikua ma’patongan, ke sipa’tuntunangkomi kadibilangan, natae’ mituntun kadibilangan dio mai Puang Matua?

YOHANES 8:49

Nakuami Yesu mebali: Tae’ Aku natamaiNa’ deata masussuk, apa umpangke’Na’ Ambe’Ku, ammi sa’saiNa’.

1 KORINTUS 4:5

Iamoto da mira’ta’i tu apa, ke tang attunnapa, sae lako saeNa Puang, tu la umpasombo duka apa kabunian lan lu malillinna, sia la umpapayan mintu’ lalan penaanna tau. Attu iamoto anna la pantan unnappa’ kadipudian dio mai Puang Matua.

1 PETRUS 1:7

kumua anna kalantukan kapatonganammi tu disudi – tu mandu keangga’ na iatu bulaan la sanggang moi anna disudi api – la payan kumua umpabu’tu kapudian sia kamala’biran anna kadipangkeran, ke attunnamo sombo tu Yesu Kristus,

TO PARENGNGE’ 9:10

Ma’kadaomi tu mintu’ garonto’ kayu lako garonto’ ara, nakua: Kamumo la undatuikanni.