1 SAMUEL 2:3 - Sura' Madatu

³ Da mitarru’ ma’kada layuk, dan nasun tu kada matampo dio pudukmi. Belanna iatu PUANG mandu paissan sia mintu’ penggauran Nasudi.

1 SAMUEL 2:3 ပူးပေါင်းရင်းမြစ်များ

1 DATU 8:39

perangii dao mai suruga, inan matontongamMi sia pa’dei kasalanna sia da Mipopa’elo’na bangi sia pantan Mipapakkanni sitinaya mintu’ kedona, saba’ Mitandai tu penaanna – belanna Kamu manna untandai tu penaanna mintu’ ma’rupa tau –,

AYUB 31:6

la Natimbangna’ Puang dio timbangan tongan, manassa Naaku Puang Matua, kumua tae’ angku sala.

PA’PUDIAN 147:5

Pasareoangan tu Puangta sia sumpu kuasa, tang dilambi’ tu tangnga’ kinaanNa.

PA’PUDIAN 17:10

Tu tang natamai kada tu penaa titutu’na, sia umpasun kada matampo.

PA’PUDIAN 31:18

O PUANG, da Mieloranna’ kasirisan, belanna meongli’na’ mati’ Kalemi; melo ke mintu’ to tang mekaaluk kasirisan, da’ito nakatiro-tiro lan lino to mate.

PA’PUDIAN 44:21

Iake moronganna angki tang ungkilalaimo sanganNa Kapenombangki, ba’tu umpatadokan pala’ki lako kapenomban senga’.

PA’PUDIAN 75:5

MangkaMo’ ma’kada lako to matampo kumua: Da mimatampo. Sia lako to tang mekaaluk kumua: Da miumpatarangga tandukmi!

PA’PUDIAN 94:4

Tau iato mai ma’be’se sia ma’kada matampo, mintu’i tu to umpogau’ kakadakean ussattuan kalena;

SARAMBU PEADA’ 16:2

Mintu’ tu lalanna simisa’-misa’ tau masero dio pentirona, apa PUANG ussudii tu penaanna.

SARAMBU PEADA’ 24:12

Iake ma’kadako mukua: Manassa tae’ kiissanni – tae’raka nala sombo lako Puang tu ussudi mintu’ penaa sia tae’raka Nala untandai Puang, tu umpenunu ba’tengmu sia tae’raka Nala umpabala’i tu penggauranna simisa’-misa’ tau?

SARAMBU PEADA’ 8:13

Iatu a’gan ungkataku’ PUANG iamotu ungkabiri’ kakadakean; kukabiri’ tu kamadaoan penaa, kamatampoan, penggauran bulituk sia sadang naponnoi pa’bulang leko’.

YESAYA 26:7

Iatu lalanna to malambu’ lappa’ bang; Kamumo tu umpamalappa’i tu lalanna to malambu’.

YESAYA 37:23

Mindara tu mube’se sia mupa’kada solangi, sia mindara mupekapuan gamarammu sia mupasolo’i matammu? Lako To maserona Israel!

YEREMIA 17:10

Akumo, PUANG, ussandak penaa sia ussudi ba’teng, la umpabala’i simisa’-misa’i tu tau sitinaya kedona sia sitinaya bua penggauranna.

YEHEZKIEL 35:13

Inang tang mulapinamMo’ puduk sia buda kada kapua mukuanNa’. Kurangi nasang sia tu iannato.

DANIEL 4:37

Totemo, iate aku, Nebukadnezar umpangke’mo’ sia umpalayukmo’ sia umpakala’bi’mo’ Datu dao suruga, tu belanna tongan nasang tu penggauranNa sia malolo tu lalanNa sia ullese lu rokko to unturu’ kamatampoan.

DANIEL 5:27

Tekel, battuananna: Ditimbangkomi lan timbangan apa maringan maro’komi;

MALEAKHI 3:13

Ma’kada layuk bangkomi tu diona Aku, kadanNa PUANG. Apa ma’kadakomi mikua: Apara kisipa’kada-kadai tu diona Kalemi?

IBRANI 4:12

Belanna iatu kadanNa Puang Matua tuo sia maatang sia mandu mataran anna pa’dang kemata patomali, sia mandalan pa’kandeanna, naurunganni umpasisarak sumanga’ anna penaa, sia lesokan anna utak buku lampa, sia naissan umpelalan tangnga’ sia lalan penaa.

YOSUA 22:22

Iatu Puang Matua undaoanni mintu’ deata, iamo PUANG, tu Puang Matua undaoanni mintu’ deata, iamo Puang, Iamo unnissanni sia to Israel duka la unnissanni: iake la kipogau’i tu umbalii ba’tu tang maruru’ lako PUANG melo ke tang Mikarimmannikanni!

KADA OMBO’ LAKO RASULU’ YOHANES 2:23

Sia mintu’ anakna la Kusabu’i, anna mintu’ kombongan la unnissanni, kumua Akumo tu umparessa ba’tang sia penaanna tau sia Akumo tu la umpapakkannikomi situru’ penggauran simisa’-misa’mi.

TO PARENGNGE’ 9:38

Attu iato ma’kadami tu Zebul lako, nakua: Umbamira totemo tu kada layukmu susite, kumua: Minda toda tu Abimelekh anta la umpengkaolairi? Tangiaraka tau iate tu mupamatuna? Tassu’moko totemo ammu sirari.

1 SAMUEL 16:7

Apa sae tu kadanNa PUANG lako Samuel, nakua: Da narupanna bang mutiro ba’tu kakalandoanna kalena, belanna tae’ naalai penaangKu. Belanna iatu natirona tolino, tae’ na ia bang tongan; belanna iatu tolino ia manna tu apa dio tingayona natiro, apa PUANG untiroi tarru’ tama ba’teng.