1 SAMUEL 2:29 - Sura' Madatu

²⁹ Ma’apai natae’ mudampangi tu pemala’ sia kande dipemalaran lako Kaleku, tu Kupepasanan la dipaden lan banuangKu, sia mupakala’bi’i tu anakmu losong na Aku, sia mipemalompoan kalemi tu mammi’na mintu’ kande napemalaran to Israel, taungKu.

1 SAMUEL 2:29 ပူးပေါင်းရင်းမြစ်များ

2 DATU 12:6

Apa iatonna ma’duangpulo ntallu taunna ma’parenta tu Yoas tae’ bangsia napemeloi to minaa tu mai sanggangna dio lu banua kabusungan.

PA’PUDIAN 26:8

O PUANG, kukamali’ tu inan banuamMi, sia inan nanii kamala’biramMi.

YEHEZKIEL 13:19

MipamatunaNa’ dio tingayona taungKu kumua ammi appa’ dalle sisikan ba’tu pirang-pirang raku’ sia ba’tu pirang-pirang sasa’ roti, la ungka’tu sunga’na tau, tu tae’ nasipatu la mate sia la ungkarimmanni sunga’na tau, tu tae’ nasipatu la tuo, belanna mimo’rangi tu taungKu, tu morai umperangii mo’rang.

YEHEZKIEL 34:10

Inde sia tu kadanNa Puangta PUANG, Nakua: Manassa la Kulaoi tu to mangkambi’ iato! La Kutuntun tu mai dombaKu dio mai limanna, sia la Kupasoro’ mangkambi’. Iatu to mangkambi’ tae’mo anna ungkambi’ kalena, sia la Kurampanan tu dombaKu lan mai sadangna, naurunganni tae’mo napokandei tau iato mai.

YEHEZKIEL 34:2

E ma’rupa tau, ma’nubua’ko unnea mintu’ to mangkambi’na Israel, ma’nubua’ko sia ma’kadako lako tau iato mai, iamotu to mangkambi’, mukua: Inde sia tu kadanNa Puangta PUANG, Nakua: Upu’ allona tu to mangkambi’na Israel, tu kalena manna nakambi’! Iatu mai to mangkambi’ tang dombaraka ia tu sipatu nakambi’?

HOSEA 4:8

Tau iato mai unnappa’ kandena dio mai kasalanna taungKu sia iatu kamoraianna ma’palulako kakelokanna.

SURA’ KATOMINAAN 19:15

Da mibimbang ma’paolai salu; da mikaturu-turui to baitti’ ba’tu umpelindo to kapua, sangadinna la musanda tonganni tu kara-karana padammu ma’rupa tau.

MIKHA 3:5

Inde sia tu kadanNa PUANG diona mintu’ nabi, tu umpapusa taungKu, sia iatu ma’kada nakua: maupa’, ke denni apa nakeke’, apa iatu to tae’ bang apa nasuak, nasa’buran rari, nakua:

MATIUS 10:37

Minda-minda tu umpalosong ambe’na ba’tu indo’na nakamali’ na Aku, tae’ nasipatu lako Kaleku; sia minda-minda tu umpalosong anakna muane ba’tu anakna baine nakamali’ na Aku, tae’ nasipatu lako Kaleku.

MATIUS 22:16

Anak gurunna kalenami nasua sola to Herodian lao umpokadai kumua: O Guru, kiissan kumua Kamumo misa’ to malolo, sia lalanna tongan bang Puang Matua Mipa’pangadaran, sia tae’ tau Milaenan moi misa’ duka, belanna tae’ Mimentiro lindo lako tau.

LUKAS 14:26

Iake to la sae lako Kaleku natae’ nakabiri’ indo’ ambe’na sia bainena sia anakna sia siulu’na muane na baine, ontongrika katuoanna, iato tau iato tae’ nama’din dadi anak gurungKu.

ROMA 16:18

Belanna iatu to susito, tangia to mekapuang lako Puangta Kristus, sangadinna umpopuang tambukna; sia mamming bang kadanna sia male’so’ untua’ ba’tangi to mai to ma’inaa sangkaloloan.

2 KORINTUS 5:16

Iamoto randuk te totemo tae’ misa’ duka tau kitandai diona a’gan tolinona. Ke susinna kitandaimi tu Kristus diona a’gan tolinona, apa totemo te tae’mo kitandai susito.

PA’TOLE 32:15

Attu iato malompomi tu Yesyurun, anna metteba’ – malompomoko, kumamuru sia nakabu’ lompo – anna tampei tu Puang Matua, tu mangka ungkombongi, tang nabilangmo tu Buntu batu, Oto’na kasalamaranna.

PA’TOLE 33:9

tu napokada diona ambe’na sia indo’na kumua, tae’ kutiroi; iatu siulu’na tae’ natandai sia iatu mai anakna tae’ naissanni. Belanna ungkaritutui kadamMi sia ungkanannangi basseMi.

YAKOBUS 3:17

Apa iatu kakinaan songlo’ lu dao mai tipamulanna masallo’, ungkabarii kamarampasan, mabalele, matinuru’, ponno kamamasean sia bua-bua maelo, tae’ nabata, sia tae’ nabelo puduk.

YOSUA 18:1

Ditambaimi tu mintu’ kombongan to Israel sae sirampun dio Silo; napabendanmi dio tu Tenda Kasitammuan, belanna iatu tondok iato mangkamo natalo.

1 SAMUEL 3:13

Belanna mangkamo Kupa’peissanan, kumua Aku la unnukungi tu to lan banuanna sae lakona, diona tu mintu’ kakadakean naissan, belanna iatonna umpasae tampak ropu lako kalena tu anakna sola duai, inang tae’ bang nagarrakki.