1 SAMUEL 2:27 - Sura' Madatu

²⁷ Saemi misa’ taunNa Puang Matua lako Eli anna ma’kada, nakua: Susite tu kadanNa PUANG: Tae’raka nalako to lan banuanna ambe’mu Kunii umpaombo’ Kaleku, tonna diopa lu Mesir tu tau iato mai mengkanorong lako Firaun?

1 SAMUEL 2:27 ပူးပေါင်းရင်းမြစ်များ

1 DATU 13:1

Pakalan saemi misa’ taunNa Puang Matua tete dio kadanNa PUANG dio mai Yehuda lako Betel, tonna marassan bendan tu Yerobeam dio olo inan pemalaran la untunu pemala’.

1 DATU 2:27

Natassu’imi Salomo tu Abyatar, kumua damo anna dadi to minaanNa PUANG; susimoto nanii umpalanda’i tu kadanNa PUANG, tu Napokada dolomo Puang diona bati’na Eli dio Silo.

KATASSURAN 12:1

Ma’kadami tu PUANG lako Musa sia Harun dio tondok Mesir, Nakua:

KATASSURAN 12:43

Ma’kadami PUANG lako Musa sia Harun, Nakua: Inde sia tu apa dipondok diona Pa’pasa: iatu to sae moi misa’ duka da nakandei.

KATASSURAN 4:27

Ma’kadami PUANG lako Harun, Nakua: Maleko sitammu Musa lako padang pangallaran. Malemi naappa’i dio taneteNa Puang Matua, anna udungi.

PA’TOLE 33:1

Inde sia tu pa’passakke, tu nanii Musa, to Natonno’ Puang Matua umpassakke to Israel tonna tae’pa namate.

1 TIMOTIUS 6:11

Apa iatu iko, taunNa Puang Matua, pallaiangko kalemu dio mai tu mintu’nato, sia tuntunni tu kamaloloan, kamengkaolan, kapatonganan, pa’kaboro’ kabattaran sia sorong inaa.

2 PETRUS 1:21

belanna tae’ bangpa pa’nubua’ napabu’tu pa’poraian tolino, sangadinna Natamaipi Penaa Masallo’ tu tau, anna sa’bu’i tu kada lu dio mai Puang Matua.

TO PARENGNGE’ 13:6

Malemi tu baine iato umpokadanni muanena, nakua: Den misa’ taunNa Puang Matua sae lako kaleku, kutiro susito misa’ malaeka’Na Puang Matua, metakuran tongan. Tae’ kukutanai umbara nanii sae, sia tae’ duka napokadanna’ sanganna.

TO PARENGNGE’ 6:8

Nasuami PUANG tu misa’ nabi male lako to Israel umpokadai, kumua: Inde sia tu kadanNa PUANG, Kapenombanna to Israel, nakua: Kusolammokomi lan mai Mesir sia Kutassu’imokomi lan mai inan minii dipokaunan.

1 SAMUEL 3:12

Attu iato la Kuparampoan Eli mintu’ apa tu Kupokada diona to lan banuanna randuk dio mai tipamulanna sae lako ma’katampakanna.

1 SAMUEL 9:4

Malemi ullelei tu buntu Efraim, sia ia duka tu lili’na Salisa, apa tae’ nakabu’tui; mangkato namane lili’na Sahalim, apa tae’ duka dio; mangkato iaomi tu lili’na Benyamin, apa tae’ duka naappa’i.

1 SAMUEL 9:6

Mebalimi nakua: Lan kota iate den misa’ taunNa Puang Matua, iamo misa’ to mala’bi’; manassa dadi tongan tu mintu’ napokadanna. Melo ke laoki’ lako, den sia manii upa’ napokadangki’ tu diona apa tatungkanan.