1 SAMUEL 2:2 - Sura' Madatu

² Moi misa’ tau tae’ namasero susi PUANG, sia tae’ misa’ tu kapenomban senga’ sangadinna Kamu manna, sia tae’ tu buntu batu susi Kapenombangki.

1 SAMUEL 2:2 ပူးပေါင်းရင်းမြစ်များ

2 SAMUEL 22:3

Kapenombangku sia Buntu batungku, tu kunii mentirerung, Iamo kupobalulang, sia tanduk kasalamarangku, sia benteng matoto’ku. Sia pentilindungangku, sia pela’bakku; tu mangka ullendokanna’ dio mai pa’pakario-rio.

2 SAMUEL 22:32

Belanna mindara senga’na tu Kapenomban, ke tang PUANG, sia mindara laenna tu buntu batu, ke tang Kapenombanta?

2 SAMUEL 7:22

Iamoto mala’bi’Komi, o Puangku PUANG, belanna tae’ misa’ tau dipasangtintiangKomi, sia tae’ tu Kapenomban senga’ sangadinna Kamu, situru’ tu mintu’ tobangna tama pa’perangingki.

1 DATU 8:23

Sia ma’kada nakua: O PUANG, Kapenombanna to Israel, tae’ tu Kapenomban senga’ sangadinna Kamu manna, la lan langi’ dao la dao kuli’na padang diong, tu umpalanda’ basseMi sia kamasokanamMi lako taumMi, tu lantuk penaanna lolang dio oloMi.

PA’PUDIAN 111:9

Napadenan kadilendokan tu taunNa, sia Naarra’i tu basseNa tontong sae lakona; iatu sanganNa masero sia metakuran.

PA’PUDIAN 18:2

Nakua: Ponno tongan penaangku, ungkamali’Komi, o PUANG, oto’na kamatotorangku,

PA’PUDIAN 18:31

Iatu Puang Matua sundun tu lalanNa; iatu kadanNa Puang tang kabissikan. Iamo napobalulang mintu’ to umposande’I.

PA’PUDIAN 71:19

Iatu kamaloloamMi sumpu langngan langi’, o Puang Matua, tu mangkamo umpogau’ ba’tu pira-pira penggauran kapua; o Puang Matua, mindaora ussitintibatuangKomi?

PA’PUDIAN 71:3

Sangapaoi anna Kamu kupobuntu batu pentirerungan, angku tang ka’tu male lako; tu mangkamo Midullu la kupoinan makarimman, belanna Kamumo buntu batungku sia tambakukungku,

PA’PUDIAN 73:25

Mindara kuposande’ dao suruga? Tae’ apa senga’ lan lino kuporai, sangadinna Kamu mannari.

PA’PUDIAN 86:8

Iatu mintu’ deata tae’ ussitinti batuangKomi, sia moi misa’ tae’ ussilioan panggaragamMi.

PA’PUDIAN 89:6

Iamoto anna mintu’ tu daona langi’ umpudi penggauran kalle-kalleamMi, o PUANG, sia kamarurusamMi dipudi lan kombonganna to masallo’.

PA’PUDIAN 89:8

Iamotu Kapenomban metakuran tongan lan tinimbunna to masallo’, sia lendu’ nakataku’na mintu’ to untalimbungi.

PA’PUDIAN 99:3

Sipatu mintu’ la umpudi tu kakapuanna sangamMi sia kametakuranna; Masero Ia.

PA’PUDIAN 99:5

Pakala’bi’i tu PUANG, Kapenombanta. Sia tukkukomi menomba diong to’ pelleseanNa; Masero Ia.

PA’PUDIAN 99:9

Pakala’bi’i tu PUANG, Kapenombanta, sia tukkukomi menomba umpennoloi buntu maindanNa, belanna masero tu PUANG, Kapenombanta.

KATASSURAN 15:11

O, PUANG, iatu mintu’ deata mindara tu la ussitinti-batuangKomi, mindara tu susimMi, dipatarompo’ tete dio kamaindanan, metakuran tete dio penggauran kapudian, tu umpogau’ tanda kalle-kallean.

YESAYA 40:18

Mindara la mipasitintianNi tu Puang Matua sia rupa apara tu la mipasangrupanNi?

YESAYA 44:6

Nakua kadanNa PUANG, Datunna sia Pela’bakna Israel, PUANGna mintu’ ma’dandan maritik: Akumo pamulanna sia ma’katampakanna, nasaliananna Aku, tae’ tu Kapenomban senga’.

YESAYA 44:8

Da mitiramban sia mataku’. Tang tempon dioraka mai Kunii umpokadangkomi sia umpaissannikomi? Kamumo tu sa’bingKu: denraka tu Kapenomban senga’ saliananna Aku? Tae’ senga’na tu Buntu batu, tae’ Kutandai tu senga’na.

YESAYA 57:15

Belanna nakua kadanNa To patodoranna sia To sumpu mala’bi’, tu unnisung matontongan sia To masero sanganNa: Moi angKu untongkonni inan matande sia maindan, apa torro dukaNa’ urrondong to rantang buana sia to umpamadiongan penaanna, angKu papayai tu penaanna tu umpamadiongan penaanna sia penaanna to rantang buana.

YESAYA 6:3

Metambami tu misa’ ungkuanni tu misa’ nakua: Maindan, maindan, maindan tongan tu PUANGna mintu’ ma’dandan maritik, iatu mintu’ lino naponnoi kamala’biranNa.

YEREMIA 10:6

Moi misa’ tau tae’ tu padamMi, o PUANG! PasareonganKomi sia pasareongan tu sangamMi umpapayan kamatotoran.

SURA’ KATOMINAAN 11:44

Belanna Akumo tu PUANG, Kapenombammi; pamaserokomi kalemi ammi masero belanna Aku te masero; da miruttakki kalemi napobua’ olo’-olo’ pandiu sanda rupanna, tu situtu’ dao kuli’na padang.

SURA’ KATOMINAAN 11:45

Belanna Akumo PUANG tu ussolangkomi sun lan mai tondok Mesir, kumua Akumo tu Kapenombammi; la maserokomi, belanna Aku te masero.

SURA’ KATOMINAAN 19:2

Ma’kadako lako mintu’ kasirampunan to Israel sia kuanni kumua: La maserokomi, belanna maseroNa’, te Aku PUANG, Kapenombammi.

ROMA 15:4

Belanna mintu’na tu apa disura’ dolomo, disurasammoki’ la mendadi pangadaran lako kaleta, kumua anna manda’ rannunta diona kama’tanan penaa sia diona pa’pakatana lan mai Sura’ Madatu.

ROMA 4:8

maupa’ tu to tang la Narekenmo Puang kasalanna.

PA’TOLE 3:24

O Puangku PUANG, Kamumo umparandukki umpatiroanni te taumMi tu kapasareonganamMi sia Kuasa matoto’Mi; belanna umbara deata, tu den dao langi’ ba’tu dao kapadanganna tu umbelai umpogau’ penggauran matoto’ susito, susitu Mipogau’?

PA’TOLE 32:20

Ma’kadami Nakua: MoraiNa’ umbunianni lindoKu tu tau iato sia la Kutiro apa urrampoi ma’katampakanna, belanna to tama bilanganna to leko’ tu tau iato mai, sia pia tang unnissan maruru’.

PA’TOLE 32:39

Totemo tiromi, kumua iatu Aku, Akumote, tae’ tu Kapenomban, sangadinna Aku. Aku tu ma’pamate sia ma’patuo, ke mangkaMo’ ma’kasanggang ma’pamondoNa’, sia moi misa’ tau tae’ ma’rampanan lan mai kuasangKu.

PA’TOLE 32:4

iamotu Buntu batu, sundun tu panggaraganNa, belanna mintu’ lalanna malolo; misa’ Kapenomban narondong kamarurusan, tang unnampui kakelokan, malambu’ sia tongan Ia.

PA’TOLE 4:35

Mangkamoko dipakitan, ammu issanni, kumua iatu PUANG Iamo Kapenomban, tae’ naden senga’na sangadinna Ia manna.

PA’TOLE 4:39

Totemo la mutandai sia la mupalan penaa, kumua iatu PUANG Iamo Kapenomban lan langi’ dao sia dao kuli’na padang inde to diong, tae’ senga’na.

1 PETRUS 1:16

belanna mangkamo disura’ kumua: La maserokomi, belanna maseroNa’.