1 SAMUEL 2:16 - Sura' Madatu

¹⁶ Ianna bali tau, kumua: Da’ito anna ditunupa dolo tu lompona, mumane unnalai tu muporainna, mebalimi tu to mengkarang, nakua: Tae’ nasusi to, ben bangsiami totemo, iake tae’i, manassa kuala toro.

1 SAMUEL 2:16 ပူးပေါင်းရင်းမြစ်များ

NEHEMIA 5:15

Iatu mintu’ to maraa tu dolona na aku umpamagasa passananna mintu’ tau sia untuntun roti sia anggoro’ dio mai tau iato mai, senga’pa to tu patangpulo sikele’ salaka. Sia ia duka tu taunna matampo lako bangsa iato. Apa iatu aku tae’ kupogau’i susito, belanna mataku’na’ lako Puang Matua.

SURA’ KATOMINAAN 3:16

Mintu’nate la natunu to minaa dao inan pemalaran, la dadi kande dipopemala’ pantunu, la dadi bau busarungngu’; mintu’na tu lompo iamo dipapatuan PUANG.

MIKHA 3:5

Inde sia tu kadanNa PUANG diona mintu’ nabi, tu umpapusa taungKu, sia iatu ma’kada nakua: maupa’, ke denni apa nakeke’, apa iatu to tae’ bang apa nasuak, nasa’buran rari, nakua:

TO PARENGNGE’ 18:25

Ma’kadami tu to Dan nakua: Da muparangiikanni tu kadammu, den manii to mapalla penaanna unta’paiko, anna ka’tumo sunga’mu sola to lan banuammu.

1 SAMUEL 2:15

Ia duka ke tae’pi naditunu tu lompo dipemalaran, saemi tu to mengkarangna to minaa anna ma’kada lako tu mai to memala’, nakua: Benni to minaa te duku’ iate anna digorengan, belanna manoka untarimai dio mai kalemi tu duku’ manasu, sangadinna duku’ mamatapi.

1 SAMUEL 2:17

Susimoto namandu kapua kasalanna tu to mangura da’dua dio oloNa PUANG, belanna tae’mo nadampangi tau tu kapemalaran lako PUANG.