1 SAMUEL 2:15 - Sura' Madatu

¹⁵ Ia duka ke tae’pi naditunu tu lompo dipemalaran, saemi tu to mengkarangna to minaa anna ma’kada lako tu mai to memala’, nakua: Benni to minaa te duku’ iate anna digorengan, belanna manoka untarimai dio mai kalemi tu duku’ manasu, sangadinna duku’ mamatapi.

1 SAMUEL 2:15 ပူးပေါင်းရင်းမြစ်များ

KATASSURAN 12:9

Da mikande mamatai ba’tu iake ditollo’i, sangadipi ke dirarangi sola tu mai ulunna, pupunna sia tambuk barinni’na.

SURA’ KATOMINAAN 3:16

Mintu’nate la natunu to minaa dao inan pemalaran, la dadi kande dipopemala’ pantunu, la dadi bau busarungngu’; mintu’na tu lompo iamo dipapatuan PUANG.

ROMA 16:18

Belanna iatu to susito, tangia to mekapuang lako Puangta Kristus, sangadinna umpopuang tambukna; sia mamming bang kadanna sia male’so’ untua’ ba’tangi to mai to ma’inaa sangkaloloan.

FILIPI 3:19

Ma’katampakanna tau iato mendadi kasanggangan, sia umpa’deatai tambukna, sia napomasiri’na nasanga napomala’bi’, sia a’gan lino manna nainaa-naa.

YUDAS 1:12

Tau iamote mai tu umpaattangan mintu’ kakumandean umpotete pa’kaboro’mi, ke kumandekomi sola tau iato mai tae’ naissanni tu siri’, ungkilalai misa bang kalena; butung to gaun tang untambuk uai, nairi’ angin male lao, sia susi garonto’ kayu tang membua ke tampak pealloanni, penduan mate sia tibuak sae lako aka’na;

1 SAMUEL 2:14

Natossok-tossokmi lan kurin ba’tu panti ba’tu pamuntu ba’tu kurin pantolloran; umbanna tu kendek naala petossok, iamo naalan kalena to minaa. Susimo gau’na to lako mintu’ to Israel tu sae dio Silo.

1 SAMUEL 2:16

Ianna bali tau, kumua: Da’ito anna ditunupa dolo tu lompona, mumane unnalai tu muporainna, mebalimi tu to mengkarang, nakua: Tae’ nasusi to, ben bangsiami totemo, iake tae’i, manassa kuala toro.