1 SAMUEL 19:8 - Sura' Madatu

⁸ Undinna pole’oto dadiomi kasirarian, natassu’ tu Daud sirari to Filistin, natalo kapuai tu tau iato mai, naurungan simallaian dio mai tingayona.

1 SAMUEL 19:8 ပူးပေါင်းရင်းမြစ်များ

1 DATU 20:21

Tassu’mi tu datu to Israel anna sanggangi tu ba’tu pira-pira darang sia kareta, sia papatean tongan dio lu to Aram.

PA’PUDIAN 27:3

Moi natingoina’ sangtuntunan to parari, tae’ namataku’ tu penaangku; moi anna titanan tu ra’ untingoina’, tontong dukana’ ma’passare.

1 SAMUEL 18:14

Iatu Daud maupa’ dio lu mintu’ lalanna, belanna Narondong PUANG.

1 SAMUEL 18:30

Ianna tassu’ tu mintu’ datu to Filistin, ke tassu’oi tu tau iato mai, inang Daud tu mandu maupa’ na iatu mintu’ taunna Saul, naurungan mandu dipakala’bi’ tu sanganna.

1 SAMUEL 19:7

Natambaimi Yonatan tu Daud, napokadanni mintu’ tu kada iato, anna solanni tu Daud lako Saul, anna pennoloi tu datu susi biasanna.

1 SAMUEL 19:9

Ta’kala natamaimi penaa kadake dio mai PUANG tu Saul tonna marassan unnisung lan tongkonan layukna sitoe doke na iatu Daud undedek katapinna.

1 SAMUEL 23:5

Malemi tu Daud sola mintu’ solana lako Kehila, anna sirari to Filistin, narambami male tu mintu’ sapinna sia natalo tarru’ tu tau iato mai, naurunganni narampananni Daud tu mintu’ pa’tondokan Kehila dio mai kalena.