1 SAMUEL 19:4 - Sura' Madatu

⁴ Napokada melomi Yonatan tu diona Daud lako Saul, ambe’na, nakua: Da mipogau’ kakadakean lako Daud, kaunanmi, belanna tang umpogau’ kadake lako puangku, sangadinna iatu napogau’na kapua gai’na lako puangku.

1 SAMUEL 19:4 ပူးပေါင်းရင်းမြစ်များ

KADADIAN 42:22

Mebalimi Ruben nakua: Tangkupokadan rokomika kukua: Da mipogau’ kasalan lako te to mangura! Apa tae’ mimorai umperangii; iamoto tiromi: totemo dituntun tu bala’na rarana!

KADADIAN 9:6

Minda-minda umpatibollo rara tolino, la napatibollo duka tolino tu rarana, belanna mangkamo Nakombong Puang Matua tu tolino Napasusi rupanNa.

2 OSSORANNA DATU 6:22

Iake denni misa’ tau kasalan lako solana, anna suai solana menggata, kumua naruai tampak ropu sia sae menggata dio tingayo inan pemalaramMi lan banua iate,

PA’PUDIAN 35:12

Napapakkanni kakadakean tu gau’ meloku; sia sisayuranna’ anak, kuurunganni makarorrong.

PA’PUDIAN 59:4

Belanna morai tongan unnala sunga’ku, sia mintu’ to masa’ga’ la ullaoina’, moi tae’ kapatodo-tintingangku ba’tu kasalangku, o PUANG.

SARAMBU PEADA’ 17:13

Minda-minda umpakkanni kakadakean tu kameloan, manassa iatu kakadakean tae’ nala toyang dio mai banuanna.

YEREMIA 18:20

Sipaturaka tu kameloan dipabala’i kakadakean? Belanna nabo’bokanna’ patuang tu tau iato mai. Kilalai dikka’ umba kukua bendan dio oloMi umpengkamoyanni sia undampai tu kare’dekamMi lako tau iato mai.

1 KORINTUS 8:12

Apa iake susito mipokasalan lako tu siulu’, sia mipabangke tu sukaran inaa langga’na, kasalan dukakomi lako Kristus.

1 YOHANES 3:15

Minda-minda ungkabiri’ siulu’na, iamoto papatean, sia miissan kumua iatu to papatean, tae’ katuoan tontong sae lakona dio kalena.

1 SAMUEL 2:25

Iake misa’ tolino sala lako padanna tolino, manassa Napaolai salunna Puang Matua, apa iake tolino kasalan lako PUANG, mindapa la umpengkamoyanni? Apa tae’ naperangii tu kadanna ambe’na, belanna inang la Napateimo PUANG sola duai.

1 SAMUEL 20:32

Apa mebali tu Yonatan lako Saul, ambe’na, nakua: Ma’apai anna la dipatei? Apara napogau’?

1 SAMUEL 22:14

Mebalimi Ahimelekh nakua: Mintu’i tu taunna puangku mindara tu manappa’ susi Daud? Iamo minintunna puangku sia naala sangbilangan to ma’kampana puangku sia mala’bi’ lan banuanna puangku.