1 SAMUEL 19:24 - Sura' Madatu

²⁴ Nalossokan dukami tu pakeanna. Sia ia dukamo tiakka’ penaanna ma’nubua’ dio tingayona Samuel. Sia sangallo sangbongi bang tang ma’tamangkale. Iamoto nakuami tu tau: Naala dukaraka bilangan nabi tu Saul?

1 SAMUEL 19:24 ပူးပေါင်းရင်းမြစ်များ

2 SAMUEL 6:14

Tumbang-tumbangmi tu Daud dio oloNa PUANG sia ma’bayu lenang busa.

2 SAMUEL 6:20

Iatonna sule tu Daud la umpassakke to lan tongkonan layukna, tassu’mi tu Mikhal, anakna Saul sitammu Daud, anna ma’kada nakua: Lendu’ ia dipakala’bi’na tu datu to Israel allo iate, nalossokan tu pakeanna allo iate dio tingayona mintu’ kaunan baine tu napokaunan to mase’ponna datu, butung misa’ to tang unnangga’ kalena sia tang masiri’ ullossokan pakeanna!

YESAYA 20:2

Attu iato ma’kadami tu PUANG nalopian Yesaya, anakna Amos, Nakua: Maleko, lossokanni tu bayu lamba’ lan mai aakmu sia alai tu sepatummu. Napogau’mi susito anna male tang ma’bayu sia tang ma’sepatu.

MIKHA 1:8

Diona apa iato angku umbating sia sumarro, angku lumingka tang ma’sepatu sia ma’kambelang, sia melallak susi serigala sia kumarrak susi burung unta?

KADIBILANGAN 24:4

kada peada’na tu to umperangiimo kadanNa Puang Matua, tu to untiromo patiroNa To umpoissan angge maritik, tonna matindo tibungka’ matanna.

PENGGAURANNA RASULU’ 9:21

Apa mangnga tongan tu mintu’ to urrangii nakuami: Tang iamoraka te tu urratoi mintu’ to ussa’bu’ sanga iato dio Yerusalem! ia duka natungkanan sae tu iannato, kumua nabaa situang pungoi tu tau iato mai lako olona to minaa.

1 SAMUEL 10:6

La Narampoiko PenaanNa PUANG, anna tiakka’ penaammu ma’nubua’ sola tau iato mai sia la dipopendadiko to makalaen-laen.

1 SAMUEL 15:35

Tae’ bangmo nabelai Samuel sitiro tu Saul sae lako kamateanna, apa masse penaanna Samuel ungkilalai Saul. Sia menassanmo tu PUANG, belanna Naangka’ datunna to Israel tu Saul.

1 SAMUEL 18:10

Iatonna masiangmo dio mai ta’pa natamaimi penaa kadake lu dio mai Puang Matua tu Saul, naurunganni susito bomboan lan tongkonan layukna; nadedekmi Daud tu katapinna susi biasanna kiallo-kiallo. Iatu Saul untoe dokena.